قازاقستان پرەزيدەنتى قاسىم-جومارت توقاەۆ جانە قورعانىس ءمينيسترى نۇرلان ەرمەكباەۆ. فوتو: http://akorda.in

قازاقستان پرەزيدەنتى قاسىم-جومارت توقاەۆ ارىستاعى جارىلىسقا بايلانىستى قورعانىس ءمينيسترى نۇرلان ەرمەكباەۆقا بىردەن قاتاڭ سوگىس جاريالادى.

ۇكىمەتتىڭ كەڭەيتىلگەن وتىرىسىندا پرەزيدەنت ارىستاعى جارىلىس وقيعاسىنا بايلانىستى مينيسترگە قاتاڭ سوگىس جاريالاناتىنىن ءمالىم ەتىپ، بۇل جاعدايدىڭ «اسكەري مەكەمە باقىلاۋىنىڭ السىرەۋى جانە جۇيەلى كەمشىلىك» سالدارىنا توقتالعان. پرەزيدەنت سوزىندە: «مەن قورعانىس مينيسترلىگىندەگى جاعدايعا قاناعاتتانباي وتىرعانىمدى بىلدىرەمىن. سوندىقتان سىزگە قاتاڭ سوگىس جاريالايمىن»، – دەدى. سونىمەن قاتار، قاسىم-جومارت توقاەۆ مينيستر ەرمەكباەۆتىڭ تاعايىندالعانىنا كوپ بولماعانىن ايتا وتىرىپ، ەلدەگى قورعانىس سالاسىنا تولىق جاۋاپتى ەكەنىن ەسكە سالدى.

ارىس قالاسىنداعى اسكەري ءبولىمنىڭ قويماسىندا 24 ماۋسىمدا تاڭەرتەڭ جارىلىس ورىن العان بولاتىن. سالدارىنان ءۇش ادام قازا تاپتى – ارىس تۇرعىنى مەن ەكى اسكەري قىزمەتشى. 170-كە جۋىق ادام زارداپ شەكتى. 20-عا جۋىق ءۇي، 9 قورا-قوپسى جانىپ، دالالى اۋماقتا 14 وشاق تۇتاندى. ءۇي-جايلار مەن عيماراتتاردىڭ 80-90 پايىزىنا ءارتۇرلى دەڭگەيدە زاقىم كەلدى. بىرقاتار وڭىردە شۇعىل جەلىلەر قۇرىلدى.

"The Qazaq Times"