S-400 qwrılğıların tiegen 7-şi wşaq Ankarağa qondı

Türkiyanıñ Reseyden satıp alğan S-400 äue qorğanıs jüyesiniñ qwrılğıları türik jerine toqtausız jetkizilude. Jeksenbi küni Türkiya Qorğanıs ministrligi reseylik qorğanıs jüyesiniñ bölşekterin jetkizgen 7-şi äskeri tasımal wşağınıñ Ankarağa kelip qonğanın mälimdegen.

Türik Qorğanıs ministrligi äleumettik jelidegi paraqşası arqılı, S-400 jüyesiniñ bölşekterin jetkizgen, 5-6-şı jäne 7-şi tasımal wşaqtarı «Mürted» äue bazasına kelip qonğanın jazğan. Reseylik äue qorğanıs jüyesin Türkiyağa jetkizu jwmıstarı ötken jwmada bastalğan bolatın. Reseylik mamandar zımıran qorğanıs jüyesin ornalastıru jäne alğaşqı sınaq jwmıstarın bastap ketken.

Reseylik äue qorğanıs jüyesin satıp alu Türkiya men AQŞ arasındağı qarım-qatınasqa keri äser etkeni belgili. AQŞ tarabı S-400 jüyesi NATO men AQŞ äskeri äue küşteriniñ jwmısına kedergi keltiredi jäne wşaqtar men wşqışsız wşu qwrılğıları, qorğanıs zımırandarınıñ qauipsizdigine qater töndiredi dep qaraydı.

“The Qazaq Times”