S-400 قۇرىلعىلارىن تيەگەن 7-ءشى ۇشاق انكاراعا قوندى

تۇركيانىڭ رەسەيدەن ساتىپ العان S-400 اۋە قورعانىس جۇيەسىنىڭ قۇرىلعىلارى تۇرىك جەرىنە توقتاۋسىز جەتكىزىلۋدە. جەكسەنبى كۇنى تۇركيا قورعانىس مينيسترلىگى رەسەيلىك قورعانىس جۇيەسىنىڭ بولشەكتەرىن جەتكىزگەن 7-ءشى اسكەري تاسىمال ۇشاعىنىڭ انكاراعا كەلىپ قونعانىن مالىمدەگەن.

تۇرىك قورعانىس مينيسترلىگى الەۋمەتتىك جەلىدەگى پاراقشاسى ارقىلى، S-400 جۇيەسىنىڭ بولشەكتەرىن جەتكىزگەن، 5-6-شى جانە 7-ءشى تاسىمال ۇشاقتارى «مۇرتەد» اۋە بازاسىنا كەلىپ قونعانىن جازعان. رەسەيلىك اۋە قورعانىس جۇيەسىن تۇركياعا جەتكىزۋ جۇمىستارى وتكەن جۇمادا باستالعان بولاتىن. رەسەيلىك ماماندار زىمىران قورعانىس جۇيەسىن ورنالاستىرۋ جانە العاشقى سىناق جۇمىستارىن باستاپ كەتكەن.

رەسەيلىك اۋە قورعانىس جۇيەسىن ساتىپ الۋ تۇركيا مەن اقش اراسىنداعى قارىم-قاتىناسقا كەرى اسەر ەتكەنى بەلگىلى. اقش تارابى S-400 جۇيەسى ناتو مەن اقش اسكەري اۋە كۇشتەرىنىڭ جۇمىسىنا كەدەرگى كەلتىرەدى جانە ۇشاقتار مەن ۇشقىشسىز ۇشۋ قۇرىلعىلارى، قورعانىس زىمىراندارىنىڭ قاۋىپسىزدىگىنە قاتەر توندىرەدى دەپ قارايدى.

“The Qazaq Times”