Iran Atom energiyası wyımınıñ ökili Behruz Kamalvandi. Foto: IRNA.

Iran uran bayıtu quatın toqtausız arttırıp jatqanın jetkizdi. Eldiñ Atom energiyası agenttiginiñ ökili Iran uran bayıtu quatı 3,67 payızdan 4,5 payızğa jetkenin mälimdedi. Bwl Irannıñ yadrolıq qaruğa paydalanatın bayıtılğan uran mölşerine tipti de jaqınday tüskenin bildiredi.

Iran Atom energiyası agenttiginiñ baspasöz hatşısı Behruz Kamalvani keşegi mälimdemesinde, Iran bayıtılğan uran kölemin 20 payızğa deyin jetkizetinin, bwl 2015 jılı qol qoyğan kelisimniñ şekteuinen asıratın üşinşi qadam bolıp sanalatının aytqan.

IRNA aqparattıq agenttiginiñ habarlauınşa, Iran öziniñ bayıtılğan uran ülgilerin Halıqaralıq atom energiyası wyımına tapsıradı. Uran ülgileri Irannıñ uran bayıtu quatınıñ artıp kele jatqanın körsetip bermek. Tehrannıñ mälimdeuinşe, kelisimge qatısqan elder AQŞ sankciyasına qarsı äreketke barmasa Iran üşinşi qadamın jasap, bayıtılğan uran mölşerin 20 payızğa deyin jetedi.

Ärine, yadrolıq qaru jasau üşin 20 payızdıq bayıtılğan uran jaramsız bolğanımen, bwl äreketter Irannıñ uran bayıtu quatın körsetip otır. Bwl AQŞ pen Iran arasındağı qayşılıqtı tipti de arttıra tüsetini belgili.

Eldiñ SİM basşısı Javad Zarif öziniñ äleumettik jeli paraqşasında, bwdan bwrın da Europalıq elder men Iran arasındağı "Parij kelisimi" AQŞ tarabınan joyılğanın, sonıñ nätijesinde Iran uran bayıtu mölşerin 100 payızğa deyin jetkize alğanın ayttı. Sonday-aq, bwl ötkennen AQŞ bastağan "B" tobınıñ sabaq almağanın, biraq älem elderi sabaq aluı kerek ekenin aytqan.

“The Qazaq Times”