Iran SİM ökili Musavi mälimdeme jasadı. Foto: IRNA.

Iran ükimeti mälimdeme jasap, 2015 jılğı kelisimge qol qoyğan europalıq elder kelisim erejelerin orındamay, «qwrğaq sözderin jalğastıra berse» Iran üşinşi qadamğa baratının ayttı. Bwl turalı Iran Sırtqı ister ministrliginiñ baspasöz hatşısı Seyed Abbas Musavi mälimdedi.

Musavi keşegi mälimdemesinde, Irannıñ kelisimge qatısqan elderge bergen 60 kün uaqıtı ayaqtalğanın, qol qoyğan europalıq elder kelisimdi saqtap qaluğa küş salmasa üşinşi qadamğa baratındarın jetkizgen. Äri, Irannıñ kelesi qadamı qatañ bolatının eskertken.

Onıñ aytuınşa Iran bwğan deyin kelisimdi saqtap keldi jäne barlıq äreketteri kelisim talaptarına say boldı. «Biz endi Irannıñ wlttı müddelerin qorğau üşin qadamdar jasauğa tiispiz», – degen Musavi.

Gibraltar jağalauında Britan teñiz küşteri tarabınan wstalğan Iran mwnay tankeri turalı swraqtarğa jauap bergen Musavi: «Sayasi jäne qwqıqtıq şaralar jasaluda. Qazirge deyin Britaniyanıñ elşisi eki ret şaqırıldı jäne özge de europalıq diplomattarmen söylesip jatırmız», – dedi.

Ol 2015 jılğı «Iran yadrolıq kelisimine» qatıstı sözinde, Tehran kelisimge qol qoyğan elderge mümkindik bergenin, alayda europalıq äriptesteri «qwr sözben ğana şektelip otırğanın» aytqan.

“The Qazaq Times”