Asqar Sabdin seminar sabağın jürgizdi. Foto: Qazaqstandağı lañkestik jäne ekstremizm mäselelerin zertteu ortalığı.

Bügin Almatı qalasındağı Azamattıq ortalıqta (Civil Center Almaty) BAQ ökilderi men blogerlerge arnalğan terrorizm, ekstremizm jäne oğan qarsı küres taqırıbında seminar ötti.

«Qazaqstan Respublikasındağı lañkestik jäne ekstremizm mäselelerin zertteu ortalığı» qoğamdıq qorı jağınan wyımdastırılğan şarağa Almatı qalasınıñ Qoğamdıq damu basqarması qoldauşılıq etkenin ayta keteyik.

Din, dini ekstremizm men terrorizmniñ aldın alu mäseleleri boyınşa BAQ ökilderine jäne blogerlerge arnalğan aqparattıq jäne oqıtu seminarın atalğan zertteu ortalığınıñ jetekşisi Käkimjan Bişmanov pen teolog-islamtanuşı Asqar Sabdin jürgizdi.

Seminarğa qazaq tildi BAQ ökilderi qatıstı. Foto: Qazaqstandağı lañkestik jäne ekstremizm mäselelerin zertteu ortalığı.

Qazaq wlttıq universitetiniñ professorı Käkimjan Mwratjanwlı seminardıñ maqsatı men mindetterin, BAQ ökilderiniñ din, dini ekstremizm taqırıptarın, soğan qatıstı wğımdardı jettik biluiniñ mañızı turalı toqtalıp, seminar sabağın bastap aştı. Arı qaray «Nwr-Mübark» universitetiniñ janındağı ekstremizmniñ aldın alu salasındağı mamandardı qayta dayaarlau institutınıñ direktorı Asqar Qalijanwlı Islam dinindegi dini ağımdar, terrorizm men dini-sebeptemeli ekstremizmge qarsı is-qimıldar turasındağı lekciyasın jürgizdi.

Seminar soñında qatısuşılar öz swraqtarın ortağa saldı jäne şarağa belsendi qatısuşılarğa arnayı sertifikattar taratıldı.

BAQ ökilderi men blogerlerge arnalğan ekstremizm, terrorizm jäne oğan qarsı is-qimıldar taqırıbındağı atalmış seminar osımen üşinşi kün jalğasıp otır. Aldağı uaqıtta (9-10 şilde) künderi orıs tildi jurnalisterge arnalğan seminar jalğaspaq.

“The Qazaq Times”