Foto: kp.kz

Germaniya Federaldı ädilet departamenti Facebook kompaniyasına  2 mln euro (900 mln teñgege juıq) köleminde ayıppwl saldı. Kompaniyanı äleumettik jelidegi zañsız jariyalanımdarğa qatıstı paydalanuşılardıñ şağımdarı turalı esebi tolıq emes dep ayıptap otır.

Germaniyada 2018 jıldıñ qañtar ayınan bastap äleumettik jelilerdiñ mazmwnın baqılauğa mindetteytin zañ bar. Atalğan zañ boyınşa, äleumettik jeli äkimşiligi 24 sağat işinde zañsız jariyalanğan posttı öşirip, 48 sağat işinde qoldanuşı şağımdarına jauap beruge tiisti dep mindettelgen.

Sonday-aq, äleumettik jeliler är 6 ay sayın zañsız jariyalanğan posttarğa qatıstı paydalanuşılardıñ şağımdarı boyınşa jasalğan jwmıs turalı esep berui kerek. Osı orayda, Facebook kompaniyası wsınğan esep tolıq emes deydi  Germaniya Federaldı ädilet departamenti. Atap aytqanda, 2018 jıldıñ birinşi jartı jıldığında tek qana 886  ötiniş jasalğan, sonımen qatar, äleumettik jeli äkimşiliginiñ jasalğan şağımdar boyınşa qabıldağan şaraları turalı da aqparattıñ jetkiliksizdigi sebep bolğan.

Ayta keteyik, ötken jıldıñ basında Facebook kompaniyası ülken dauğa qalğan. Oğan Kembridj Analitikanıñ Facebook-tiñ 87 million qoldanuşısınıñ jeke derekterin zañsız paydalanuı sebep boldı. Osı janjalğa baylanıstı Wlıbritaniya da Facebook kompaniyasına ayıppwl salğan edi. Keyin ol mälimetter Donal'd Tramptıñ 2016 jılğı saylaualdı nauqanında paydalanılğandığı belgili boldı. Al, sol jıldıñ kökteminde Facebook-tiñ negizin qalauşı Mark Cukerberg AQŞ Kongresinde jäne Europarlamentte qatesin moyındap, derekterdiñ qoldı bolğanı üşin keşirim swradı.

"The Qazaq Times"