Iran ükimetiniñ keşe jasağan mälimdemesinde, eldegi tömen bayıtılğan uran qorı 2015 jılı qol qoyılğan kelisimniñ joğarı şeginen asqanın jetkizgen. Bwnday mälimdemeni, Iran SİM basşısı Mwhammed Jevad Zarif jasadı.

Iran sırtqı ister ministri sol eldiñ resmi aqparat agenttigine bergen mälimdemesinde: «Irannıñ bayıtılğan uran qorı 300 kg şekteuinen astı», – degen.  2015 jılğı kelisim boyınşa Iran 3,67 payızdıq bayıtılğan urandı 300 kg şamasınan asırmauı kerek bolğan.

Keşe, BWW-nıñ Atom energiyası jönindegi agenttigi de Irannıñ bayıtılğan uran qorı kelisimdegi şekten asıp ketkenin rastadı.

Zarif sözinde Iran 2015 jılı 6 elmen özine bağıttalğan ekonomikalıq sankciyalardı toqtatu üşin kelisimge qol qoyğanın, alayda Qwrama Ştattar tarabı kelisimnen birjaqtı bas tartıp, sankciyalardı qalpına keltirgenin alğa tartqan.

Izrail' prem'er-ministri Ben'yamin Netan'yahu düysenbide: «Iran yadrolıq qaru öndirudiñ mañızdı qadamın jasadı», – dedi jäne Euroodaqqa Iranğa qarsı «avtomattı sankciyalar» engizudi wsındı.

Bwl jağday Britaniyanı da «qattı alañdatqan».  «Irannıñ halıqaralıq kelisimdi saqtauın, kelisimdegi özge talaptardı qatañ saqtauın ümit etemiz», – degen Britaniya ükimetiniñ resmi mälimdemesinde.

Resey SİM basşısınıñ orınbasarı Sergey Ryabkov bwğan qatıstı mälimdemesinde: «Bwl ärine quanarlıq jağday emes, mäseleni  bwdan arı qiındatpau kerek», – dedi. Ol jäne: «Bwl şara soñğı kezdegi AQŞ-tıñ Iranğa qarsı qısımınıñ nätijesi», – dep bağalağan.

Qwrama Ştattardıñ Iran turalı közqarası belgili. Tramp ükimeti 2015 jılğı kelisim Irannıñ yadrolıq qarudı damıtu bağdarlamasına kedergi bola almaydı dep qaraydı. AQŞ «Irannıñ yadrolıq qarudı damıtuına şekteu qoyu» maqsatında mwnay eksportına jäne özgede ekonomikalıq salalarına sankciya salıp keledi.

2015 jılğı kelisimniñ bwzıluına baylanıstı Orta Şığıstağı şielenis barğan sayın artıp keledi. Bwdan eki apta bwrın Iran äskeri küşteri Qwrama Ştattarğa tiesili wşqışsız wşu qwrılğısın atıp tüsirdi. AQŞ pen Izrail' Irandı Orta Şığıstağı mwnay kenişterine şabuıl jasaudı josparlağan dep qaraydı.

Iran AQŞ-tıñ dronnın atıp tüsirgennen keyin, AQŞ-tıñ keybir qauipsizdik jönindegi keñesşileri Trampqa Iranğa qarsı şabuıl wyımdastıru turalı keñes bergen. Biraq, Tramp mwnday şabuıldan keminde 150 irandıq köz jwmatının aytıp, şabuıldan soñğı sätterde bas tartqan.

“The Qazaq Times”