Qıtaydağı atalmış "Änşi" telejobasınıñ jetinşi kezeñinde, Dimaş qazaq änimen qıtay sahnasın jandırdı. Ol öziniñ repertuarındağı "Daydidau" änin orındap qıtaylıq körermendi tamsandırdı.

Dimaştıñ bwl retki änin süyemeldeuge jäne oğan qoldau körsetu üşin, Qazaqstan Wlttıq öner universitetiniñ orkestri "Änşi" sahnasına arnaulı barıp qatıstı. Qıtay jwrtı äsirese qazaqtıñ saf wlttıq öner naqışına tänti bolğanın jasıra almadı. Än ayaqtalısımen Qıtay äleumettik jelilerinde Dimaş jäne onıñ orındağan kezekti äni turalı pikirler qarşa boradı. Sonıñ bäri de qazaq öneri men talanttı wlına tänti bolğan pikirler.

Dimaştıñ äninen keyin onıñ jobadağı äriptesi, qıtaylıq änşi Li Jyan: "Dimaştıñ äni asa şınayı şıqtı.  Onıñ bwl ändi janına siñirgeni bayqaladı. Dimaştıñ közinde ömirdiñ san qırın körgen adamnıñ beynesi şığıp twradı. Bwl onıñ artistik qableti emes, oğan bergen talant", – dep şın bağasın berdi.

Jaraysıñ Dimaş!

“The Qazaq Times”