Soltüstik Koreya ükimeti eskertu jasap, yadrolıq qarusızdanu turalı kelissözderdiñ jaña jobasın jolğa qoyu turalı AQŞ ükimetinde köp uaqıt qalmağanın esine saldı. Bwnday eskertudi keşe KHDR Sırtqı ister basqarmasınıñ AQŞ isterine jauaptı ökili Kim Joñ Gın (Kim Jong Gen) jasağan bolatın. 

Kim Joñ Gın jasağan mälimdemede,  Pioñyañ (Phen'yan) kelissözderdi qayta bastau üşin Qwrama Ştatqa jıldıñ soñına deyin ğana uaqıt beretini aytılğan. Ol sonday-aq, AQŞ-tıñ Soltüstik Koreyağa bağıttalğan sankciyalardı keñeytui dwşpandıq sayasat retinde bağalağan. Äri, bwl Soltüstik Koreya men AQŞ liderleriniñ Singapurdağı alğaşqı kezdesuindegi kelissöz tabıstarın joqqa şığaru dep sanağan.

Esteriñizge sala keteyik, Tramp pen Kim arasındağı V'etnamda ötken ekinşi sammit sätsiz ayaqtalğannan keyin Aq üy üşinşi sammitke neğwrlım ikemdi ädisterdi paydalanuğa küş salatının aytqan bolatın. Al, Soltüstik Koreyanıñ "Ülken Jiırmalıq" sammiti qarsañında jasağan bwl mälimdemesinde Qıtay ükimetiniñ ıqpalı bar deuge boladı. Sebebi, osıdan birneşe kün bwrın ğana Qıtay basşısı Şi Jinpiñ Soltüstik Koreyağa saparlay bardı jäne qızu qarsı aluğa bölengen bolatın.

“The Qazaq Times”