سولتۇستىك كورەيا اقش-قا ەسكەرتۋ جاسادى

سولتۇستىك كورەيا ۇكىمەتى ەسكەرتۋ جاساپ، يادرولىق قارۋسىزدانۋ تۋرالى كەلىسسوزدەردىڭ جاڭا جوباسىن جولعا قويۋ تۋرالى اقش ۇكىمەتىندە كوپ ۋاقىت قالماعانىن ەسىنە سالدى. بۇنداي ەسكەرتۋدى كەشە كحدر سىرتقى ىستەر باسقارماسىنىڭ اقش ىستەرىنە جاۋاپتى وكىلى كيم جوڭ گىن (Kim Jong Gen) جاساعان بولاتىن. 

كيم جوڭ گىن جاساعان مالىمدەمەدە،  پيوڭياڭ (پحەنيان) كەلىسسوزدەردى قايتا باستاۋ ءۇشىن قۇراما شتاتقا جىلدىڭ سوڭىنا دەيىن عانا ۋاقىت بەرەتىنى ايتىلعان. ول سونداي-اق، اقش-تىڭ سولتۇستىك كورەياعا باعىتتالعان سانكتسيالاردى كەڭەيتۋى دۇشپاندىق ساياسات رەتىندە باعالاعان. ءارى، بۇل سولتۇستىك كورەيا مەن اقش ليدەرلەرىنىڭ سينگاپۋرداعى العاشقى كەزدەسۋىندەگى كەلىسسوز تابىستارىن جوققا شىعارۋ دەپ ساناعان.

ەستەرىڭىزگە سالا كەتەيىك، ترامپ پەن كيم اراسىنداعى ۆەتنامدا وتكەن ەكىنشى سامميت ءساتسىز اياقتالعاننان كەيىن اق ءۇي ءۇشىنشى سامميتكە نەعۇرلىم يكەمدى ادىستەردى پايدالانۋعا كۇش سالاتىنىن ايتقان بولاتىن. ال، سولتۇستىك كورەيانىڭ "ۇلكەن جيىرمالىق" ءسامميتى قارساڭىندا جاساعان بۇل مالىمدەمەسىندە قىتاي ۇكىمەتىنىڭ ىقپالى بار دەۋگە بولادى. سەبەبى، وسىدان بىرنەشە كۇن بۇرىن عانا قىتاي باسشىسى شي جينپيڭ سولتۇستىك كورەياعا ساپارلاي باردى جانە قىزۋ قارسى الۋعا بولەنگەن بولاتىن.

“The Qazaq Times”