Foto: Dastan Başir attı jeli qoldanuşınıñ paraqşasınan.

Türkistan oblısı Arıs qalasında joyqın jarılıs boldı. Jergilikti aqparat közderiniñ habarlauınşa jarılıs äskeri oq-däri qoymasında bolğan. 

Jarılıs Arıs qalasınıñ twrğındarın qattı alañdatqan, keybir twrğandar qaladan şığıp ketuge äreket etude. Äleumettik jelide Arıs qalasınıñ twrğındarı birneşe ret jarılıs dauısın estigenderin jazuda. Jelide jarılıstan keyin Arıs aspanın tütin torlağan suretteri köptep jüktelip jatır.

Mälimetterge qarağanda, Arıs qalasındağı äskeri qoymadağı jarılıs  turalı habarlama tötenşe jağdaylar qızmetine tañerteñ sağat 09:30 şamasında kelip tüsken. Tötenşe jağdaylar qızmeti oqiğa ornına qwtqaru jwmıstarına kirisip ketken. Qazirge zardap şekkender turalı naqtı mälimet joq.

“The Qazaq Times”