تۇركيا ءمۋرسيدىڭ ءولىمى ءۇشىن مىسىردى حالىقارالىق سوتقا بەرمەك

تۇركيا پرەزيدەنتى رەجەپ تايىپ ەردوعان مىسىردى حالىقارالىق سوتقا بەرەتىنىن مالىمدەدى. ول سوت ۇستىندە قازا تاپقان مىسىردىڭ بۇرىنعى پرەزيدەنتى مۇحاممەد مۋسيدىڭ ولىمىنە قازىرگى بيلىكتى ايىپتى دەپ قارايدى.

پرەزيدەنت ەردوعان ستامبۋلدا جاساعان مالىمدەمەسىندە، مىسىردى حالىقارالىق سوتقا تارتۋ ءۇشىن قولدان كەلەتىن بارلىق شارانى جاسايتىنىن ايتتى. ول سوزىندە: «مۋرسي قازا تاپقان جوق، ول ءولتىرىلدى. ول سوت زالىندا 20 مينۋتقا دەيىن جانتالاسىپ جاتقان. سول جەردەگى لاۋازىمدىلار وعان كومەكتەسپەگەن»، –  دەگەن.

تۇركيا پرەزيدەنتى سونداي-اق، مۇحاممەد ءمۋرسيدىڭ ولىمىنە بايلانىستى مىسىردىڭ كەزەكتى قادامدارىن نازاردا ۇستايتىنىن، يسلام ىنتىماقتاستىق ۇيىمىن قولداۋعا شاقىراتىنىن، مىسىردى حالىقارالىق سوتقا تارتۋ ءۇشىن بار كۇشىن سالاتىنىن جەتكىزگەن.

مۇحاممەد مۋرسي مىسىردىڭ تۇڭعىش رەت دەموكراتيالىق جولمەن سايلانعان پرەزيدەنتى. الايدا، ول بيلىككە شىعىپ ءبىر جىلدان كەيىن ەلدە اسكەري توڭكەرىس بولىپ، ءمۋرسيدى بيلىكتەن كەتىرگەن. ءارى، ءوزىنىڭ ۇكىمەت لاۋازىمدىلارىمەن بىرگە قاماۋعا الىنعان. ول وتكەن اپتانىڭ سوڭىندا تىڭشىلىق ايىبىمەن بولعان سوت وتىرىسى كەزىندە كوز جۇمعان.

“The Qazaq Times”