Mwnay tankerinde jarılıs bolğan. foto: BBC

Mamır men mausım aylarında Parsı şığanağında mwnay tasığan tankerlerge şabuıl jasaldı. Qwrama Ştattar jük kemelerine jasalğan şabuılğa baylanıstı Irandı ayıptap, şığanaq mañındağı äskeri bazalarında qauipsizdik şaraların küşeytken edi. 13 mausım küni Saud Arabiyasına tiesili 2 tankerge şabuıl jasaldı.

Parsı şığanağında tankerlerge şabuıl jasau äreketi Japoniya prem'eriniñ Iran saparımen twspa tws keldi. Iran prem'er-ministri Şinzo Abe Iran ruhani kösemi Homeynimen kezdesu aldında ğana tankerlerge şabuıl jasalğanı turlı habardı estigen. BBC habarında şabuılğa wşırağan tankerler Singapurğa jäne Tayuanğa bara jatqanı aytıladı. Alayda, Türkiyanıñ aqparat qwraldarı mwnay tasığan kemelerdiñ Japoniyağa bağıt alğanın jazğan.

Parsı şığanağı älemdegi eñ tınışsız aymaqtıñ biri. Soñı 40 jılda bwl aymaqta birneşe ret qarulı qaqtığıstar bolğan. Onıñ sebebi köpşilikke tüsinikti. Europa, Aziya jäne özge de alıs qwrlıqtarğa jetkiziletin mwnaydıñ basım köbi osı şığanaqtan şığadı. Şığanaqtan Ündi mwhitına, Oman jäne Arab teñizine, Qızıl teñizge şığatın Bermuz bwğazında Irannıñ ıqpalı basım. Tipti, twtas Parsı şığanağında da Irannıñ ıqpalı basımdıqqa ie.

Bwdan tıs Orta Şığıs aymağındağı elderde bir-birine agressivti qadamdar jasau köbirek boladı. Aymaqta Iran men Saud Arabiyası bir-birine strategiyalıq qarsılastar sanaladı. Eki eldiñ bir-birine qarsı sayasatı aymaqtıñ twraqtılığına qater töndirip kelgen. AQŞ prezident Donal'd Tramp Iranmen jasasqan yadrolıq kelisimnen şığıp ketip, ekonomikalıq sankciyanı jalğastırğannan keyin qayşılıq tipti de asqınıp ketti.

Qazir tankerlerge jasalğan şabuıldarğa AQŞ Irandı ayıptauda. Memlekettik hatşı Pompeo bir küni bwrın jasağan video mälimdemesinde: "Qolımızda bar derekterge nazar audarsaq şabuıldı Iran küşteriniñ wyımdastırğanın köremiz",  dedi. Biraq, Iran öz kezeginde bwl ayıptardı joqqa şığardı.

“The Qazaq Times”