Irannıñ astanası Tegeran (Tehran). Foto: Shutterstock

Iran Islam Respublikasınıñ astanası Tehrannan (Tegeran) basqa qalağa auısuı mümkin. Irandağı bir qatar bedeldi deputattarı eldiñ ruhani kösemi Ayatolla Hameneyge bas qalanı auıstıruğa nwsqau beruin ötinip, hat joldadı. Ruhani kösemderine joldanğan hatta 74 deputattıñ qolı qoyılğan.

Iran astanası bolıp kelgen Tehrannan bas tartuğa irandıq deputattardıñ sebebi köp. Olar: qaladağı auanıñ lastığı; twrğındar sanınıñ köptigi; trafiktiñ tığızdığı; jer silkinisi jii tuılatın öñir boluı qatarlı sebepterdi alğa tarttı. Bwğan qosa, qala qwrlısınıñ äuelden kemeldi josparlanbağanın, ört, jer silkinisi sekildi apattı jağdayda qwtqaru qimıldarına qiındıqtar tuğızatının da aytadı. Deputattar 2013 jılı «Plasko» sauda ortalığında tuılğan örtte 26 adamnıñ qaza bolğanın naqtı dälel etip körsetti. Ruhani kösemderi bwl wsınıstı dwrıs dep tapsa, prezident basqarıp otırğan ükimetke pärmen tüsirip, bas qalaların auıstıruı mümkin. Bwl turalı Türkiya «Anadolı» aqparattıq agenttigi habarlap otır.

Tehran (Tegeran) – Irannıñ tarihi mañızdı qalalarınıñ biri. Aziya boyınşa eñ iri qalalardıñ qatarında. Dünie boyınşa 21-şi orındağı megapolistiñ halıq sanı, beyresmi derek boyınşa 16 million dep körsetilgen. Kaspiy teñizinen 90 şaqırım oñtüstikke ornalasqan. Iran deputattarınıñ elordanı Tehrannan basqa qalağa köşiru wsınısında sayasi maqsattarı da bar boluı äbden mümkin. Iran qazir öz işinde äskeri tehnikanı damıtıp, Batıstan keletin qauippen bel şeşe küresuge dayındalıp jatqan el deuge boladı. Elordasın memleket territoriyasınıñ işki jağına qaray, nemese oñtüstik şığıs öñirine qaray köşirui ıqtimal.

“The Qazaq Times”