Venesueladağı oppoziciya jetekşisi Huan Guaydo. Foto: https://portal.andina.pe

Venesuela oppoziciyasınıñ köşbasşısı Huan Guaydo eldegi mäseleni şeşu maqsatında Norvegiyanıñ kömegine jüginbek. Bwl turalı Politico basılımı habarladı.

Venesuela halqın qalay da dağdarıstan alıp şığuğa bel buğan Guaydo eldiñ qazirgi prezidenti Nikolos Maduromen kelissöz jürgizuden bas tartıp otır. Kelesi aptada Venesuela prezidentiniñ jaqtastarı Oslo qalasında oppoziciya ökilderimen kezdesip, elde bolıp jatqan sayasi qaqtığıstar pen müddeler qayşılığı jöninde kelissözder jürgizbek. Degenmen, Maduro kezekten tıs saylau ötkizu turalı şeşimdi resmi türde maqwldağan joq.

Oppozicionerdiñ aytuınşa, onıñ Norvegiyamen küş biriktirui prezident pen eldegi bilik qwrılımdarınıñ auısuına alıp kelui tiis. Eger jağday tiisinşe orın almasa, Venesuelada tağı da jappay narazılıq bastaladı. Bwğan deyin Maduro Ükimeti men Norvegiyadağı oppoziciya ökilderiniñ kelissözderi turalı habarlanğan bolatın. Guaydo Norvegiyadağı kezdesudi kelissözder dep atauğa bolmaydı degen mälimdeme jasadı jäne bwl tek dialogtı jolğa qoyu äreketi ğana.

Osığan deyin Venesuela assambleyası Huan Guaydonı qwqıqtıq immunitetinen ayıru turalı ükim şığarğan.  Atalğan jağdaydan keyin Guaydonıñ özi jergilikti BAQ ökilderine swhbat berip, «arnayı qızmetkerler qastandıq jasamaq» dep mälimdegen. Onıñ aytuınşa, eldegi birde-bir qwrılımda qwqıqtıq immunitetten ayıru qwqığı joq.

Venesueladağı sayasi dağdarıs qañtarda uşığa tüsken. Sol uaqıtta Wlttıq assambleya baqılauındağı oppoziciyanı basqarğan Guaydo özin uaqıtşa ükimettiñ basşısı dep jariyalağan bolatın. Guaydonı AQŞ-pen qosa 50-den astam el qoldadı. Al Qıtay men Resey tarapı qazirgi basşı Nikolas Maduro ükimetine senim bildirip, bilikke özge memleketterdiñ aralasuın «halıqaralıq qwqıqbwzuşılıq» dep atadı.

"The Qazaq Times"