Ukraina prezidenti Vladimir Zelenskiy Donbbasstağı qaqtığıs aymağında. Foto: http://bm.img.com.ua

Ukraina prezidenti Vladimir Zelenskiy alğaşqı jwmıs saparın Lugansk oblısınan bastadı.

«Ukrainform» portalınıñ habarlauınşa, sapar barısında Ukraina Birikken küşter operaciyasınıñ qolbasşısı general-leytenant Aleksandr Svirskiy prezidentke qaqtığıs aymağındağı jağday turalı bayandama jasap, bölimşelerdiñ jasaqtaluı jaylı mağlwmat bergen. Keñeske Bas ştab basşısı – Ukraina qarulı küşteriniñ bas qolbasşısı general-leytenant Ruslan Homçak qatısqan.

V.Zelenskiy öz saparında alğaşqı şep – blindajdar men baqılauşılar postın aralağan. Sonımen qatar, prezident äskerilerdiñ Lugansk pen Sçast'edegi twrmıs-jağdayımen tanısıp, tağam, tehnika, baspana jäne äleumettik järdem sapasın teksergen.

2014 jılı Ukraina reseyşil prezidentin bilikten ketirip, europaşıl ükimet qwrğan soñ Resey Qırım tübegin anneksiyalap alğan edi. İle-şala Ukrainanıñ şığısındağı Doneck jäne Lugansk oblıstarında Mäskeuge süyengen qarulı reseyşil separatister bas köterip, aymaqtıñ biraz audanın basıp alğan. Sodan beri jalğasıp jatqan Ukraina äskeri men reseyşil separatister arasındağı qarulı qaqtığıs kezinde on mıñnan astam adam qaza taptı. Kiev Mäskeudi separtisterdi qarjılandırıp jäne qarulandırıp otır dep ayıptaydı. Resey bwl qaqtığısqa qatısı joq ekenin mälimdep keledi.

"The Qazaq Times"