ۋكراينا پرەزيدەنتى ۆلاديمير زەلەنسكي العاشقى جۇمىس ساپارىن لۋگانسك وبلىسىنان باستادى.
«ۋكراينفورم» پورتالىنىڭ حابارلاۋىنشا، ساپار بارىسىندا ۋكراينا بىرىككەن كۇشتەر وپەراتسياسىنىڭ قولباسشىسى گەنەرال-لەيتەنانت الەكساندر سۆيرسكي پرەزيدەنتكە قاقتىعىس ايماعىنداعى جاعداي تۋرالى بايانداما جاساپ، بولىمشەلەردىڭ جاساقتالۋى جايلى ماعلۇمات بەرگەن. كەڭەسكە باس شتاب باسشىسى – ۋكراينا قارۋلى كۇشتەرىنىڭ باس قولباسشىسى گەنەرال-لەيتەنانت رۋسلان حومچاك قاتىسقان.
ۆ.زەلەنسكي ءوز ساپارىندا العاشقى شەپ – بلينداجدار مەن باقىلاۋشىلار پوستىن ارالاعان. سونىمەن قاتار، پرەزيدەنت اسكەريلەردىڭ لۋگانسك پەن سچاستەدەگى تۇرمىس-جاعدايىمەن تانىسىپ، تاعام، تەحنيكا، باسپانا جانە الەۋمەتتىك جاردەم ساپاسىن تەكسەرگەن.
2014 جىلى ۋكراينا رەسەيشىل پرەزيدەنتىن بيلىكتەن كەتىرىپ، ەۋروپاشىل ۇكىمەت قۇرعان سوڭ رەسەي قىرىم تۇبەگىن اننەكسيالاپ العان ەدى. ىلە-شالا ۋكراينانىڭ شىعىسىنداعى دونەتسك جانە لۋگانسك وبلىستارىندا ماسكەۋگە سۇيەنگەن قارۋلى رەسەيشىل سەپاراتيستەر باس كوتەرىپ، ايماقتىڭ ءبىراز اۋدانىن باسىپ العان. سودان بەرى جالعاسىپ جاتقان ۋكراينا اسكەرى مەن رەسەيشىل سەپاراتيستەر اراسىنداعى قارۋلى قاقتىعىس كەزىندە ون مىڭنان استام ادام قازا تاپتى. كيەۆ ماسكەۋدى سەپارتيستەردى قارجىلاندىرىپ جانە قارۋلاندىرىپ وتىر دەپ ايىپتايدى. رەسەي بۇل قاقتىعىسقا قاتىسى جوق ەكەنىن مالىمدەپ كەلەدى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن