Soltüstik Koreya, Resey, Qıtay birigip AQŞ pen Oñtüstik Koreyağa qarsı twrmaq

Tayau arada Korey tübeginde tarih qaytalanuı mümkin. Oñtüstik Koreya men AQŞ birlesken armiyası Soltüstik Koreyağa aybat şeguin toqtatar emes. Al Soltüstik Koreya bolsa «Sad» jüyesine jäne AQŞ-Koreya äskeri odağına birige qarsı twru üşin Resey men Qıtaydı odaqqa şaqırdı.

Oñtüstik Koreya men AQŞ birlesken äskeri oqu-jattığuları jıl sayın dästürli türde ötip keledi. Är jolğı äskeri oqu-jattığu kezinde Soltüstik Koreya eskertu jasauı dağdığa aynalğan. Degenmen, bwl eskertulerge resmi Seul' pısqırıp ta qaramaytın. Bwl jolı Soltüstik Koreyanıñ jasağan eskertui Seulge bwrınğıdan salmaqtı tidi. Sebebi, biılğı eki eldiñ qadamı da Korey tübeginiñ jağdayın tübegeyli özgertpek.

Soltüstik Koreya aqparat agenttigi keşe,  1 naurız küni, «Soltüstik Koreya, Qıtay, Resey birlese, AQŞ pen Oñtüstik Koreyanıñ odağına qarsı twra ala ma?» attı saraptamalıq maqala jariyaladı. Maqalada Oñtüstik Koreya men AQŞ «Sad» jüyesin ornatu qwrılısın jetildirilgen türin jüzege asırğalı otır, Resey, Qıtay, Soltüstik Koreya bwğan ortaq qarsı twrudı keñesip jatqanı aytılğan. Resey men Qıtay joğarı lauazımdı şendileri 28 aqpan küni Beyjiñde diplomatiyalıq kezdesu ötkizdi. Ärine, kezdesu taqırıbı «Sad» jüyesine qarsı twru bolğanı anıq. Sonday-aq, KHDR sırtqı ister ministriniñ orınbasarı da qıtay astanasında saparda boldı. Bwl şınında atalğan üş eldiñ «Sad» jüyesine qarsı keñesip jatqanın däleldeydi.

Qıtay astanasındağı Soltüstik Koreya diplomatiyalıq közderiniñ habarlauına qarağanda, Seuldiñ AQŞ-pen birge «Sad» jüyesin jedeldetuine oray, Qıtay tarapı Resey men Soltüstik Koreyanı qwpiya kelissözge şaqırğan. Atalğan elderdiñ jasap jatqan qadamdarı «Sad» jüyesiniñ tübek bolaşağına aytarlıqtay äser etetinin biluge boladı.

XX ğasırdıñ ortasındağı korey elderiniñ soğısınan keyin de, tübek mäselesi şeşim tapqan joq. Eki el tübekti bölip bilegen küyi qaldı. Esesine, Qıtay men KHDR qatınasın nığaytıp, Seul men Beyjiñ arasına kirbeñ salıp ketti. Otız jıldan soñ, yağni Qıtay işki-sırtqı reformasınan keyin ğana Oñtüstik Koreyamen sauda-ekonomikalıq, ıntımaqtastıq barıs-kelis ornattı. Eki el baylanısı jiilep, import-eksport kölemi arttı. Mädeni almasular da köbeyip, halıqtardıñ tüsinistigi jaqsarğan bolatın. Al qazir «Sad» jüyesiniñ ornatıluına baylanıstı, Qıtay men Oñtüstik Koreya arasına qayta sızat tüsip otır.  Bir bwl ğana emes, Şığıs Aziya öñirlik qayşılığı, qala berdi Korey tübegi jağdayın uşıqtırıp aldı.

«Sad» jüyesin ornatu isiniñ üstine AQŞ-Koreya birlesken armiyasınıñ «Küşigen» äskeri oqu-jattığuınıñ bastaluı, tübekte soğıs tuılu mümkindigin joğarılattı. Eki taraptıñ qimıl-äreketi tek soğıstı kimniñ bastauın kütip twrğanğa köbirek wqsaydı. AQŞ-Koreya äskeri birlestiginiñ qadamına Resey, Qıtay, Soltüstik Koreyadan tıs, Oñtüstik Koreyanıñ da köp azamattarı qarsılıq bildirude. Olar tübektiñ soğıs maydanına aynalıp ketuinen alañdaydı. Seuldegi AQŞ elşiliginiñ aldında qarsılıq ereuili jalğasıp jatır. Olar Oñtüstik Koreya men AQŞ birlesken armiyasınıñ «Sad» jüyesin ornatıp, äskeri oqu-jattığular ötkizip, tübek qauipsizdigin qaterge qaldırmauın talap etedi.

Sonımen, Korey tübeginde ötken ğasırdıñ ortasındağı tarihi jağday periodtı qaytalanu aldında twr. Sol kezde Keñes Odağı men Qıtay soltüstikti, Amerika oñtüstikti jaqtap swrapıl wrıs salğan bolatın. Bwl rette de Resey men Qıtay Soltüstik Koreyamen ortaq qarsı twrudıñ şaraların qwpiya türde aqıldasıp otır. Al, AQŞ qorğanıs ministri Mettis Oñtüstik Koreyanı qorğauğa tabandı bolamız dep mığım söyledi. «Sad» jüyesi ornap, Seul' äskeri äreketterdi jiilete berse, soltüstikti jaqtauşı taraptarda soğıstan basqa tañdau qalmaydı. San jıldan beri äskeri şerumen ğana döñ aybat körsetken alıptardıñ, endigi küş sınasu maydanı Korey tübegi bolmasına kim kepil!

“The Qazaq Times”