AQŞ prezidenti Donal'd Tramp migraciya jäne köşi-qon zañnamasındağı talaptardı küşeytu turalı qwjattı wsındı.

CNN habarlauınşa, qwjatqa säykes şetel azamattarına grin karta beru erejesi özgertiledi. Tramptıñ wsınısı boyınşa AQŞ-tıñ twraqtı twrğını bolu üşin birinşi kezekte bilimdi äri bilikti mamandarğa mümkindik beru kerek. Sonımen qatar Aq üy basşısı AQŞ azamattığın alğan migranttardıñ tuğandarına grin karta berudi toqtatu kerek deydi.

Kongreste mälimdeme jasağan Tramp: «Bügin AQŞ-tıñ köşi-qon sayasatın alğa jıljıtatın naqtı qadam wsınamız. Eñ aldımen bwl bastama amerikalıqtardıñ qauipsizdigi üşin jasalıp otırğanın ayta keteyik. Elge sauattı, bilimdi, jigerli jastar kelse el ekonomikasınıñ artuına ülesin qosadı, qılmıs deñgeyi azayadı. Jaña zañ twraqtı meken izdegenderge qolaylı boladı», – dedi. Jaña qwjattı Kongres maqwldamağan jağdayda, saylaudan keyin qayta wsınılmaq.

2018 jılı AQŞ-qa zañdı jolmen kelgen immigranttardıñ jıldıq jalaqısı 43 mıñ dollar köleminde yağni bir şeteldik azamattıñ ay sayınğı tabısı 3,5 mıñ dollar bolğan. Aq üy basşısınıñ josparına say elge bilikti mamandar ğana tartılsa, aylıq tabısı üş ese köbeyip, 126 mıñ dollarğa jetedi. Degenmen, Tramptıñ bwl wsınısına kongre müşeleri qarsılıq bildirgen. Demokrattardıñ aytuınşa, migranttardıñ basım böligi mwqtajdıqtan twrğılıqtı meken izdeydi. Olardıñ emtihan tapsıruına mümkindigi bolmağandıqtan, jaldamalı qızmetke twradı. Osığan baylanıstı kongres müşesi Il'han Omar: «Däl qazirgi tañda baspana izdegen migranttarğa bwlay qarsı şığa almaymız. Donal'd Tramptıñ jaña josparı qatıgezdikke tolı. Türli qiın jağdaydan qaşqan adamdar ğana basqa elden meken izdep, jaña ömir bastasam deydi. Bir ğana jüyemen azamattıq kütip otırğan 11 million migranttıñ ümitine nükte qoyuğa bolmaydı. Tramp otbasılıq qwndılıq degen sözdiñ mağınasına pısqırıp ta otırğan joq», – deydi.

"The Qazaq Times"