Tamil-Nadu ştatındağı mıñdağan dükender Coca-Cola men Pepsi susındarın satudan  1 naurızdan bastap müldem  bas tarttı dep habarlaydı bbc.com. 

Şeteldik gazdalğan susındardan bas tartu - eldiñ sauda jönindegi assocaciyasınıñ bastamasımen, barınşa otandıq önimderdi narıqta qoldau maqsatında jüzege asırılıp otır.

Belsendilerdiñ aytuınşa, şeteldik kompaniyalardıñ su qorın jappay paydalanuı saldarınan egistik jerler men fermalarda su qorınıñ jetkiliksizdigi bayqaluda.

Foto:CA-News

Ötken ayda osı mäselege baylanıstı ştatta şeru wyımdastırılıp, belsendi top Pepsi men Coca-Cola susındarına baykot jariyalaudı bastağan bolatın. Keyin osı aymaqtağı barlıq dükenderde bwl susın türlerine swranıs  müldem tüsip ketken.

Sauda assocaciyaları jergilikti twrğındardıñ özderi bwl önimdi paydalanudan bas tartıp otır dep mälimdeude.

1 naurızdan bastan Sauda assocaciyasına kiretin birneşe irili-wsaqtı dükender şeteldik susındardı satıp aludan mülde bas tartqa.n. Indian Express gazetinde jariyalanğan mälimetke säykes, Tamil-Nadu ştatındağı dükender osı uaqıtqa deyin  Pepsi men Coca-Cola önimderin tauısu üşin, barınşa jeñildikter wsınıp, jappay satıp jibergen bolatın.

Biraq birneşe ay bwrın tapsırıs beretin iri sauda ortalıqtarınıñ bwl susınnan bas tartatındığı äli belgisiz. Al aymaqtağı keybir dükender swranıs qayta payda boladı degen senimmen satudan bas tartpaytındıqtarın jetkizgen.

Bwl narazılıq şaraları Ündistannıñ Joğarğı sotı djallikat -  bwqalardıñ saysına, januarlardı tım azaptaydı degen jeleumen tıyım salıp tastağandıqtan bastalğan. 

“The Qazaq Times”