فوتو: bbc.com

تاميل-نادۋ شتاتىنداعى مىڭداعان دۇكەندەر Coca-Cola مەن Pepsi سۋسىندارىن ساتۋدان  1 ناۋرىزدان باستاپ مۇلدەم  باس تارتتى دەپ حابارلايدى bbc.com. 

شەتەلدىك گازدالعان سۋسىنداردان باس تارتۋ - ەلدىڭ ساۋدا جونىندەگى اسسوتساتسياسىنىڭ باستاماسىمەن، بارىنشا وتاندىق ونىمدەردى نارىقتا قولداۋ ماقساتىندا جۇزەگە اسىرىلىپ وتىر.

بەلسەندىلەردىڭ ايتۋىنشا، شەتەلدىك كومپانيالاردىڭ سۋ قورىن جاپپاي پايدالانۋى سالدارىنان ەگىستىك جەرلەر مەن فەرمالاردا سۋ قورىنىڭ جەتكىلىكسىزدىگى بايقالۋدا.

فوتو:CA-News

وتكەن ايدا وسى ماسەلەگە بايلانىستى شتاتتا شەرۋ ۇيىمداستىرىلىپ، بەلسەندى توپ Pepsi مەن Coca-Cola سۋسىندارىنا بايكوت جاريالاۋدى باستاعان بولاتىن. كەيىن وسى ايماقتاعى بارلىق دۇكەندەردە بۇل سۋسىن تۇرلەرىنە سۇرانىس  مۇلدەم ءتۇسىپ كەتكەن.

ساۋدا اسسوتساتسيالارى جەرگىلىكتى تۇرعىنداردىڭ وزدەرى بۇل ءونىمدى پايدالانۋدان باس تارتىپ وتىر دەپ مالىمدەۋدە.

1 ناۋرىزدان باستان ساۋدا اسسوتساتسياسىنا كىرەتىن بىرنەشە ءىرىلى-ۇساقتى دۇكەندەر شەتەلدىك سۋسىنداردى ساتىپ الۋدان مۇلدە باس تارتقا.ن. Indian Express گازەتىندە جاريالانعان مالىمەتكە سايكەس، تاميل-نادۋ شتاتىنداعى دۇكەندەر وسى ۋاقىتقا دەيىن  Pepsi مەن Coca-Cola ونىمدەرىن تاۋىسۋ ءۇشىن، بارىنشا جەڭىلدىكتەر ۇسىنىپ، جاپپاي ساتىپ جىبەرگەن بولاتىن.

بىراق بىرنەشە اي بۇرىن تاپسىرىس بەرەتىن ءىرى ساۋدا ورتالىقتارىنىڭ بۇل سۋسىننان باس تارتاتىندىعى ءالى بەلگىسىز. ال ايماقتاعى كەيبىر دۇكەندەر سۇرانىس قايتا پايدا بولادى دەگەن سەنىممەن ساتۋدان باس تارتپايتىندىقتارىن جەتكىزگەن.

بۇل نارازىلىق شارالارى ءۇندىستاننىڭ جوعارعى سوتى دجالليكات -  بۇقالاردىڭ سايسىنا، جانۋارلاردى تىم ازاپتايدى دەگەن جەلەۋمەن تىيىم سالىپ تاستاعاندىقتان باستالعان. 

“The Qazaq Times”