AQŞ-tıñ Parsı şığanağındağı wşaq tasımaldauşı äskeri kemesi. Foto: nytimes.com.

Iran Revolyuciya saqşıları korpusı Äue küşteriniñ bas qolbasşısı mälimdeme jasap, AQŞ-tıñ Parsı şığanağındağı soğıs kemelerine äue şabuılın jasauğa dayın ekenderin ayttı. Bwl turalı sol eldiñ  IRNA aqparattıq agenttigi habarladı.

Saqşılar korpusı Äue küşteriniñ bas qolbasşısı Ämir Äli Hajizade AQŞ-tıñ wşaq tasımaldauşı kemesi Iran äskeri bazalarına jalğastı jaqınday tüsse soqqı jasauğa dayın ekenderin jetkizgen. Ol sözinde: «AQŞ-tıñ şığanaqtağı 50-ge juıq soğıs wşaqtarı men 6 mıñ äskeri qızmetkeri bar wşaq tasımaldauşı kemesi bizdiñ qauipsizdigimizge qater töndirip keldi. Biraq, biz qazir bwl soğıs kemelerin nısanağa alıp otırmız», – degen.

Iran äskeri şendisi mälimdemesinde, Iran jağadan 700 şaqırım qaşıqtıqtağı AQŞ kemelerin atuğa tolıq qabiletti ekenin ayttı. Onıñ aytuınşa, Irannıñ zımıran şabuıl quatı Parsı şığanağındağı AQŞ äskeri kemelerin joyuğa mümkindigi bar.

“The Qazaq Times”