يران: اقش كەمەلەرىن اتۋعا دايىنبىز

يران رەۆوليۋتسيا ساقشىلارى كورپۋسى اۋە كۇشتەرىنىڭ باس قولباسشىسى مالىمدەمە جاساپ، اقش-تىڭ پارسى شىعاناعىنداعى سوعىس كەمەلەرىنە اۋە شابۋىلىن جاساۋعا دايىن ەكەندەرىن ايتتى. بۇل تۋرالى سول ەلدىڭ  IRNA اقپاراتتىق اگەنتتىگى حابارلادى.

ساقشىلار كورپۋسى اۋە كۇشتەرىنىڭ باس قولباسشىسى ءامىر ءالي حاجيزادە اقش-تىڭ ۇشاق تاسىمالداۋشى كەمەسى يران اسكەري بازالارىنا جالعاستى جاقىنداي تۇسسە سوققى جاساۋعا دايىن ەكەندەرىن جەتكىزگەن. ول سوزىندە: «اقش-تىڭ شىعاناقتاعى 50-گە جۋىق سوعىس ۇشاقتارى مەن 6 مىڭ اسكەري قىزمەتكەرى بار ۇشاق تاسىمالداۋشى كەمەسى ءبىزدىڭ قاۋىپسىزدىگىمىزگە قاتەر ءتوندىرىپ كەلدى. بىراق، ءبىز قازىر بۇل سوعىس كەمەلەرىن نىساناعا الىپ وتىرمىز»، – دەگەن.

يران اسكەري شەندىسى مالىمدەمەسىندە، يران جاعادان 700 شاقىرىم قاشىقتىقتاعى اقش كەمەلەرىن اتۋعا تولىق قابىلەتتى ەكەنىن ايتتى. ونىڭ ايتۋىنشا، يراننىڭ زىمىران شابۋىل قۋاتى پارسى شىعاناعىنداعى اقش اسكەري كەمەلەرىن جويۋعا مۇمكىندىگى بار.

“The Qazaq Times”