Foto: http://www.mfa.gov.kz

Split qalasında Horvatiyadağı Qazaqstannıñ konsuldığı aşıldı, – dep habarlaydı QR Sırtqı ister ministrligi.

Konsuldıqtıñ aşılu saltanatına Horvatiyanıñ Sırtqı jäne europalıq ister ministri Mariya Peyçinoviç-Buriç, Öñirlik damu jäne EO qorlarınıñ ministri Gabriela Jalac, Split-Dalmaciyalıq jupaniyasınıñ, Split qalası äkimşiligi basşılığınıñ ökilderi qatıstı.

Qazaqstan – Horvat ıntımaqtastığına oray eki el arasındağı sauda kölemi 2018 jılı 353 mln dollarğa jetken. Osı rette Horvatiyanıñ SİM basşısı QR konsuldığınıñ aşıluı sauda-ekonomikalıq baylanıstardı odan äri arttıruğa, turizm, bilim, mädeniet jäne sport salasındağı almasulardı keñeytuge ıqpal etedi dep atap ötti. Al Qazaqstan elşisi Tölejan Barlıbaev QR SİM basşılığı atınan M.Peyçinoviç-Buriçpen aldağı josparlarmen bölisti.

"The Qazaq Times"