فوتو: http://www.mfa.gov.kz

سپليت قالاسىندا حورۆاتياداعى قازاقستاننىڭ كونسۋلدىعى اشىلدى، – دەپ حابارلايدى قر سىرتقى ىستەر مينيسترلىگى.

كونسۋلدىقتىڭ اشىلۋ سالتاناتىنا حورۆاتيانىڭ سىرتقى جانە ەۋروپالىق ىستەر ءمينيسترى ماريا پەيچينوۆيچ-بۋريچ، وڭىرلىك دامۋ جانە ەو قورلارىنىڭ ءمينيسترى گابريەلا جالاتس، سپليت-دالماتسيالىق جۋپانياسىنىڭ، سپليت قالاسى اكىمشىلىگى باسشىلىعىنىڭ وكىلدەرى قاتىستى.

قازاقستان – حورۆات ىنتىماقتاستىعىنا وراي ەكى ەل اراسىنداعى ساۋدا كولەمى 2018 جىلى 353 ملن دوللارعا جەتكەن. وسى رەتتە حورۆاتيانىڭ ءسىم باسشىسى قر كونسۋلدىعىنىڭ اشىلۋى ساۋدا-ەكونوميكالىق بايلانىستاردى ودان ءارى ارتتىرۋعا، تۋريزم، ءبىلىم، مادەنيەت جانە سپورت سالاسىنداعى الماسۋلاردى كەڭەيتۋگە ىقپال ەتەدى دەپ اتاپ ءوتتى. ال قازاقستان ەلشىسى تولەجان بارلىباەۆ قر ءسىم باسشىلىعى اتىنان م.پەيچينوۆيچ-بۋريچپەن الداعى جوسپارلارمەن ءبولىستى.

"The Qazaq Times"