QR prezidenttigine kandidat, qoğam qayratkeri, sayasatker Ämirjan Qosanov. Foto: http://arhar.kz

QR Ortalıq saylau komissiyası «Wlt tağdırı» birlesken wlttıq-patriottıq qozğalısınıñ atınan wsınılğan kandidat, qoğam qayratkeri, sayasatker Ämirjan Qosanovqa prezidenttikke kandidat kuäligin tapsırdı.

Komissiya müşesi A.Ihdanov: «Hattamalardıñ nätijelerine säykes, Ämirjan Sağidrahmanwlı Qosanov Qazaqstannıñ 14 öñirinen onı Prezidenttikke kandidat retinde qoldaytın 131 189 azamattıñ qolın jinadı. Olardıñ işinen 129 582 rastaldı», – dep mälimdedi. Osığan deyin Ämirjan Qosanov memlekettik tildi erkin meñgergenin rastadı. Sonımen qatar, Ortalıq saylau komissiyası onı zañnıñ barlıq talaptarına say dep tanıdı. Kandidat Qosanov qajetti qoldardıñ sanın da jinap şıqtı.

Ä.Qosanov sözinde: «Jasıratını joq, meni wsınu jäne qol jinau kezinde biraz kümän boldı. Osı Qosanov saylauğa tirkele me, tirkelmey me degen kümän boldı, ärtürli arandatular boldı. Qasaqana jasalğan bir aqparattıq şabuıldar da boldı. Osı künge deyin men jäne meniñ äriptesterim tirkeu bolmaytın şığar dep oyladıq. Biraq bügingi kün Prezident Qasım-Jomart Toqaevtıñ «ädil saylau ötkizuge kepildik beremin» degen söziniñ bir nışanı dep bilemin, solay qabıldaymın»,– dedi.

Qosanovtan bölek, Ortalıq saylau komissiyası «Auıl» halıqtıq-demokratiyalıq patriottıq partiyasınıñ müşesi Töleutay Rahımbekov jäne Qazaqstannıñ kommunistik partiyasınıñ ökili Jambıl Ahmetbekovtı prezidenttikke kandidat retinde tirkedi.

"The Qazaq Times"