قر ورتالىق سايلاۋ كوميسسياسى «ۇلت تاعدىرى» بىرلەسكەن ۇلتتىق-پاتريوتتىق قوزعالىسىنىڭ اتىنان ۇسىنىلعان كانديدات، قوعام قايراتكەرى، ساياساتكەر ءامىرجان قوسانوۆقا پرەزيدەنتتىككە كانديدات كۋالىگىن تاپسىردى.
كوميسسيا مۇشەسى ا.يحدانوۆ: «حاتتامالاردىڭ ناتيجەلەرىنە سايكەس، ءامىرجان ساعيدراحمانۇلى قوسانوۆ قازاقستاننىڭ 14 وڭىرىنەن ونى پرەزيدەنتتىككە كانديدات رەتىندە قولدايتىن 131 189 ازاماتتىڭ قولىن جينادى. ولاردىڭ ىشىنەن 129 582 راستالدى»، – دەپ مالىمدەدى. وسىعان دەيىن ءامىرجان قوسانوۆ مەملەكەتتىك ءتىلدى ەركىن مەڭگەرگەنىن راستادى. سونىمەن قاتار، ورتالىق سايلاۋ كوميسسياسى ونى زاڭنىڭ بارلىق تالاپتارىنا ساي دەپ تانىدى. كانديدات قوسانوۆ قاجەتتى قولداردىڭ سانىن دا جيناپ شىقتى.
ءا.قوسانوۆ سوزىندە: «جاسىراتىنى جوق، مەنى ۇسىنۋ جانە قول جيناۋ كەزىندە ءبىراز كۇمان بولدى. وسى قوسانوۆ سايلاۋعا تىركەلە مە، تىركەلمەي مە دەگەن كۇمان بولدى، ءارتۇرلى ارانداتۋلار بولدى. قاساقانا جاسالعان ءبىر اقپاراتتىق شابۋىلدار دا بولدى. وسى كۇنگە دەيىن مەن جانە مەنىڭ ارىپتەستەرىم تىركەۋ بولمايتىن شىعار دەپ ويلادىق. بىراق بۇگىنگى كۇن پرەزيدەنت قاسىم-جومارت توقاەۆتىڭ «ءادىل سايلاۋ وتكىزۋگە كەپىلدىك بەرەمىن» دەگەن ءسوزىنىڭ ءبىر نىشانى دەپ بىلەمىن، سولاي قابىلدايمىن»،– دەدى.
قوسانوۆتان بولەك، ورتالىق سايلاۋ كوميسسياسى «اۋىل» حالىقتىق-دەموكراتيالىق پاتريوتتىق پارتياسىنىڭ مۇشەسى تولەۋتاي راحىمبەكوۆ جانە قازاقستاننىڭ كوممۋنيستىك پارتياسىنىڭ وكىلى جامبىل احمەتبەكوۆتى پرەزيدەنتتىككە كانديدات رەتىندە تىركەدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى