Auğanstan prezidenti Aşraf Ğani eldegi AQŞ-tıñ arnayı ökili Zalmay Halizadpen kezdesti. Kezdesude Auğanstannıñ işki dialogi, beybitşilik procesteri turalı söz boldı.

Auğanstan prezidenti men AQŞ ökili beybitşilik procesi turasında bwğan deyin jasalğan qadamdardı talqıdan ötkizip, aldağı josparlar turalı pikirlesken. Talibanmen kelesi kelissöz kezdesui turalı pikir ortaqtığına kelgen.

Aşraf Ğani Auğanstannıñ beybitşiligi üşin qwrılğan jaña keñes arqılı birikken koaliciyalıq delegaciya qwrıp şıqqandarın, olar aldağı uaqıtta Katarda bolatın täliptermen kelissöz kezinde Auğanstandağı partiyalardıñ, ükimettiñ jäne azamattıq ökilderdiñ talaptarın ortağa salıp, beybit Auğanstan üşin ortaq pikir tabuğa tırısatının jetkizgen.

AQŞ tarabınıñ ara ağayındığımen Auğanstan ükimeti men Taliban arasında kelissözder jalğasuda. Auğanstannıñ işki dialogin qalıptastıruğa Mäskeu tarabı da kirisken.

“The Qazaq Times”