تاليبانمەن كەزەكتى كەلىسسوز كاتاردا وتپەك

اۋعانستان پرەزيدەنتى اشراف عاني ەلدەگى اقش-تىڭ ارنايى وكىلى زالماي حاليزادپەن كەزدەستى. كەزدەسۋدە اۋعانستاننىڭ ىشكى ديالوگى، بەيبىتشىلىك پروتسەستەرى تۋرالى ءسوز بولدى.

اۋعانستان پرەزيدەنتى مەن اقش وكىلى بەيبىتشىلىك پروتسەسى تۋراسىندا بۇعان دەيىن جاسالعان قادامداردى تالقىدان وتكىزىپ، الداعى جوسپارلار تۋرالى پىكىرلەسكەن. تاليبانمەن كەلەسى كەلىسسوز كەزدەسۋى تۋرالى پىكىر ورتاقتىعىنا كەلگەن.

اشراف عاني اۋعانستاننىڭ بەيبىتشىلىگى ءۇشىن قۇرىلعان جاڭا كەڭەس ارقىلى بىرىككەن كواليتسيالىق دەلەگاتسيا قۇرىپ شىققاندارىن، ولار الداعى ۋاقىتتا كاتاردا بولاتىن تالىپتەرمەن كەلىسسوز كەزىندە اۋعانستانداعى پارتيالاردىڭ، ۇكىمەتتىڭ جانە ازاماتتىق وكىلدەردىڭ تالاپتارىن ورتاعا سالىپ، بەيبىت اۋعانستان ءۇشىن ورتاق پىكىر تابۋعا تىرىساتىنىن جەتكىزگەن.

اقش تارابىنىڭ ارا اعايىندىعىمەن اۋعانستان ۇكىمەتى مەن تاليبان اراسىندا كەلىسسوزدەر جالعاسۋدا. اۋعانستاننىڭ ىشكى ديالوگىن قالىپتاستىرۋعا ماسكەۋ تارابى دا كىرىسكەن.

“The Qazaq Times”