Päkistan: Auğanstanda beybitşilik ornamay «Bir beldeu, bir jol» jobası jüzege aspaydı

Päkistan basşısı jeksenbide jasağan mälimdemesinde, Auğanstannıñ beybitşiligi tek qana Päkistan üşin ğana mañızdı emes ekenin, Qıtaydıñ «Bir beldeu, bir jol» bağdarlaması boyınşa Orta Aziya eldermen ekonomikalıq baylanısın nığaytuınıñ bastı şartı bolatının eskertti.

Irman Han sözinde Auğanstannıñ beybitşiligi Qıtaydıñ «Bir beldeu, bir jol» bağdarlamasınıñ mañızdı kepili ekenin, Ortalıq Aziya elderine tabıs äkeletin joba üşin Auğanstandağı beybitşiliktiñ mañızdı ekenin atap körsetken.

Päkistan ükimetiniñ basşısı AQŞ pen özge de taraptardan Auğanstandağı beybitşilik kelissözderin alğa jıljıtudı tağı bir ret talap etken. «40 jıldıq soğıstan keyin Auğanstan halqına beybitşilik kerek. Auğanstanda beybitşiliktiñ ornauı Auğanstan men Päkistan ğana emes, Qıtaydıñ «Bir beldeu, bir jol» bağdarlamasınıñ jüzege asuına jäne Orta Aziya elderiniñ tabıs tabuına alğı şart bolıp sanaladı», – degen.

Prem'er-ministr  Irman Han Päkistan men Ortalıq Aziya elderi arasında qarım-qatınastı damıtu üşin de, eñ äueli Auğanstanda ornıqtılıqtıñ boluı asa mañızdı ekenin atap körsetken.

Qwrama Ştattar Auğanstannıñ işki dialogın qalıptastıruğa barınşa küş saluın ümit etken Irman Han Päkistan ükimeti de Auğanstan beybitşiligi üşin bar küşin salatının jetkizgen.

Qazirgi kezde, Qıtay men Päkistan milliardtağan investiciyalıq qarjı salınğan Qıtay-Päkistan ekonomikalıq dälizin Auğanstanğa qaray keñeytudi josparlauda. Bwl jospar da Qıtaydıñ atalmış auqımdı jobasınıñ bir parası bolıp sanaladı. Degenmen, Qıtay ükimeti Auğanstan jağdayınan alañdaydı. Osıdan bwrın «Islam memleketi» terrorlıq wyımı Auğanstanğa şegingende Qıtay soltüstik-batıs şekarasındağı Şınjañda ülken sayasi nauqan jürgizip, jüz mıñdağan adamdı sayasi lagerlerge qamağan bolatın.

“The Qazaq Times”