EO Resey şeşimin ayıptadı. Foto: Telekanal «Zvezda.

Europa Odağı Reseydiñ Ukrainanıñ şığıs aymaqtarına qaratqan jaña qadamın ayıptadı. EO Mäskeudiñ kezekti qadamın Ukrainanıñ egemendigine jasalğan jaña şabuıl dep bağalağan.

Osıdan bwrın Resey prezidenti Vladimir Putin Ukrainanıñ şığıs oblısındağı twrğındarğa jeñildetilgen jolmen RF azamattığın beru turalı jarlıqqa qol qoydı. Ukrainanıñ şığısındağı Doneck pen Lugansk oblıstarı özderin «Doneck jäne Lugansk Halıqtıq Respublikası» dep atap alğan Reseydi jaqtauşı separatistik küşterdiñ baqılauında twrğanı belgili.

EO mälimdemesinde, Mäskeudiñ kezekti qadamı Ukrainadağı saylau endi ayaqtalğan twsta jasalğandıqtan, eldi twraqsızdıqqa wrındıratının eskertken. Äri, Reseydi Minsk kelisimine qayşı bolğan äreketterdi toqtatuğa şaqırğan.

Şeteldik sarapşılar, Mäskeudiñ bwl qadamı Ukrainanıñ jaña saylanğan prezidenti Zelenskiyge jasağan qısım qatarında bağalap otır.

“The Qazaq Times ”