ەو رەسەي شەشىمىن ايىپتادى. فوتو: تەلەكانال «زۆەزدا.

ەۋروپا وداعى رەسەيدىڭ ۋكراينانىڭ شىعىس ايماقتارىنا قاراتقان جاڭا قادامىن ايىپتادى. ەو ماسكەۋدىڭ كەزەكتى قادامىن ۋكراينانىڭ ەگەمەندىگىنە جاسالعان جاڭا شابۋىل دەپ باعالاعان.

وسىدان بۇرىن رەسەي پرەزيدەنتى ۆلاديمير پۋتين ۋكراينانىڭ شىعىس وبلىسىنداعى تۇرعىندارعا جەڭىلدەتىلگەن جولمەن رف ازاماتتىعىن بەرۋ تۋرالى جارلىققا قول قويدى. ۋكراينانىڭ شىعىسىنداعى دونەتسك پەن لۋگانسك وبلىستارى وزدەرىن «دونەتسك جانە لۋگانسك حالىقتىق رەسپۋبليكاسى» دەپ اتاپ العان رەسەيدى جاقتاۋشى سەپاراتيستىك كۇشتەردىڭ باقىلاۋىندا تۇرعانى بەلگىلى.

ەو مالىمدەمەسىندە، ماسكەۋدىڭ كەزەكتى قادامى ۋكرايناداعى سايلاۋ ەندى اياقتالعان تۇستا جاسالعاندىقتان، ەلدى تۇراقسىزدىققا ۇرىندىراتىنىن ەسكەرتكەن. ءارى، رەسەيدى مينسك كەلىسىمىنە قايشى بولعان ارەكەتتەردى توقتاتۋعا شاقىرعان.

شەتەلدىك ساراپشىلار، ماسكەۋدىڭ بۇل قادامى ۋكراينانىڭ جاڭا سايلانعان پرەزيدەنتى زەلەنسكيگە جاساعان قىسىم قاتارىندا باعالاپ وتىر.

“The Qazaq Times ”