Foto: https://ru.kyzylorda-news.kz

QR Parlament Senatınıñ deputatı Birğanım Äytimova prezidenttik saylauğa memleket basşısı Qasım-Jomart Toqaev qatısatındıqtan, özge kandidattarğa qiındau boladı degen pikir bildirdi.

Senator öz sözinde «Nur Otan» partiyasınıñ atınan prezident saylauına Qasım-Jomart Toqaevtıñ kandidaturası wsınılatının iştey joramaldağanın jäne s'ezde bastı kandidat üşin dauıs bergendigin ayttı. S'ezden keyin Äytimova: «Meniñşe, basqa kandidattarğa qiındau boladı. Sebebi Qasım-Jomart Toqaev – öz jwmısına da, şeşimderine de berik adam. Ol Halıqaralıq deñgeyde de solay. BWW-da jwmıs istegende özin käsibi menedjer retinde körsete bildi. Atalğan wyımnıñ Jenevadağı bölimşesin jañğırtuğa ülken üles qostı. Sonday-aq, öte jauaptı, sauattı. Barlıq salalardı jaqsı biledi. Sol sebepti onı «reliable» retinde moyındadı. Ol kez kelgen bağdarlamanı basqarudı ğana emes, onı iske asıru tetikterin de biledi», – dep mälimdedi.

Ayta keteyik, bügin «Nwr Otan» partiyasınıñ qwrıltayında QR twñğış prezidenti Nwrswltan Nazarbaev 9 mausımda ötetin kezekten tıs prezident saylauına partiya atınan Qasım-Jomart Toqaevtıñ kandidaturasın wsınatının mälimdedi. Keyinnen onıñ bwl wsınısın partiya müşeleri bir auızdan maqwldadı. Jiınnan soñ, Konstituciyalıq keñes memleket basşısı Qasım-Jomart Toqaevtıñ ötinişin qarauğa kiriskenin mälimdedi.

"The Qazaq Times"