Foto: https://pics.utro.ru

AQŞ reseylik «Rosneft'» kompaniyası Venesuelağa mwnay tasımaldadı degen ayıp taqtı. Bwl turalı Reuters agenttigi habarladı.

Venesuelanıñ PDVSA memlekettik mwnay kompaniyası önimderi men esepşottarın Reseydiñ «Rosneft'» kompaniyasına ötkizgendigi mälim boldı. Al «jasırın qızmeti» üşin Resey Venesueladan köp kölemde qarjı alğan. Osığan baylanıstı AQŞ ükimeti PDVSA kompaniyasınıñ mwnay önimderin satıp aluğa sankciya engizgen bolatın. Sonımen qatar, Venesuelanıñ Ortalıq bankine de sankciya jariyalap, AQŞ dolların aluğa tıyım salındı. Donal'd Tramtıñ wlttıq qauipsizdik boyınşa keñesşisi Djon Boltonnıñ aytuınşa, bwl äreket – eldiñ qazirgi prezidenti Nikolas Maduronıñ äskeri quatın arttıruğa kömektesip otırğan Resey men basqa elderge jasalğan eskertu. Keñesşi Venesuelada reseylik äskerilerdiñ jüruin «arandatu» jäne «el qauipsizdigine töngen qater» dep atadı.

Osığan deyin Venesuelada orın alıp jatqan dağdarısqa tosqauıl bolu üşin Resey Karakasqa äsker jibergen bolatın. Resmi Mäskeu «diktator» atanğan Veneseula prezidenti Nikolas Maduroğa qoldau blidiretindigin ayttı.

"The Qazaq Times"