Foto: https://eadaily.com

Oñtüstik Koreya Qazaqstanğa özderiniñ «aqıldı auıl» innovaciyalıq modelin engizu turalı wsınıs bildirdi.

Soñğı bes jılda Qazaqstan men Koreya arasında sauda-ekonomikalıq ıntımaqtastıq nığaya tüsken. Osığan baylanıstı «Qazaqstan – Koreya elderiniñ damu keleşegi» attı seminar ötkizilip, qos tarap ekonomikalıq jäne cifrlıq tehnologiyadağı mäselelerdi talqıladı.

Koreya halıqaralıq ekonomikalıq institutınıñ prezidenti Li Çje En: «Oñtüstik Koreya Qazaqstanmen ekonomika salasında ıntımaqtastıqtı odan äri damıtudı közdeydi. Bıltır qos el arasındağı tauar aynalımı 2 milliard dollardan asıp tüsken bolatın. Sonday-aq biz auıl şaruaşılığı salası jağınan ıntımaqtastıqtı damıtpaqpız. Sebebi Qazaqstan osı salada zor mümkindikterge ie. Bwl mäseleler jaqın arada naqtı şeşimin tabadı degen ümittemiz», – dep mälimdedi.

Aldağı uaqıtta Oñtüstik Koreya men Qazaqstan şaruaşılıq salasında kelissözder jürgizbek.

"The Qazaq Times"