فوتو: https://eadaily.com

وڭتۇستىك كورەيا قازاقستانعا وزدەرىنىڭ «اقىلدى اۋىل» يننوۆاتسيالىق مودەلىن ەنگىزۋ تۋرالى ۇسىنىس ءبىلدىردى.

سوڭعى بەس جىلدا قازاقستان مەن كورەيا اراسىندا ساۋدا-ەكونوميكالىق ىنتىماقتاستىق نىعايا تۇسكەن. وسىعان بايلانىستى «قازاقستان – كورەيا ەلدەرىنىڭ دامۋ كەلەشەگى» اتتى سەمينار وتكىزىلىپ، قوس تاراپ ەكونوميكالىق جانە تسيفرلىق تەحنولوگياداعى ماسەلەلەردى تالقىلادى.

كورەيا حالىقارالىق ەكونوميكالىق ينستيتۋتىنىڭ پرەزيدەنتى لي چجە ەن: «وڭتۇستىك كورەيا قازاقستانمەن ەكونوميكا سالاسىندا ىنتىماقتاستىقتى ودان ءارى دامىتۋدى كوزدەيدى. بىلتىر قوس ەل اراسىنداعى تاۋار اينالىمى 2 ميلليارد دوللاردان اسىپ تۇسكەن بولاتىن. سونداي-اق ءبىز اۋىل شارۋاشىلىعى سالاسى جاعىنان ىنتىماقتاستىقتى دامىتپاقپىز. سەبەبى قازاقستان وسى سالادا زور مۇمكىندىكتەرگە يە. بۇل ماسەلەلەر جاقىن ارادا ناقتى شەشىمىن تابادى دەگەن ۇمىتتەمىز»، – دەپ مالىمدەدى.

الداعى ۋاقىتتا وڭتۇستىك كورەيا مەن قازاقستان شارۋاششىلىق سالاسىندا كەلىسسوزدەر جۇرگىزبەك.

"The Qazaq Times"