Foto: https://bbc.uk

Jurnalistika salasındağı eñ iri marapat Pulitcer sıylığın Donal'd Tramptıñ otbası men qarjıları turalı jazğan New York Times», «Wall Street Journal» tilşileri jäne bıltır redakciyasına şabuıl jasalğan «Capital Gazette» basılımı ielendi.  

Merilend ştatındağı «Capital Gazette» basılımınıñ tört jurnalisi qarulı er adamnıñ şabuılınan qaza taptı. Qayğılı oqiğağa qaramastan, şabuıldan keyin kelesi küni redakciya jwmısqa şığıp, gazettiñ jwmadağı sanın qaza tapqan äriptesterine arnadı. Keyinnen şabuıl jasağan adamnıñ bwrın gazetke qarsı sotta jeñilis tapqanı üşin tilşilerdi ädeyi öltirgeni anıqtaldı.

Pulitcer marapatın ielengen gazet redakciyasına jüz mıñ dollar köleminde sıyaqı berildi.

«New York Times» gazeti Donal'd Tramptıñ salıq töleuden jaltarğanı turalı kölemdi zertteu-maqala jariyalağan bolatın. Atalğan basılımnıñ jurnalisteri Devid Barstou, Syuzanna Kreyg pen Rass Byuttner sıylıqtı Tramp qarjısı jaylı, onıñ «biznes-imperiyasına qoldau bolğan salıqtan jaltaru amaldarı» jaylı zertteui üşin aldı. Gazet tilşileri 1990 jıldarı AQŞ-tıñ qazirgi prezidenti kümändi operaciyalarğa qatısqanı turalı da jazğan. Ötken jılı qazanda N'yu-York ştatınıñ salıq inspekciyası gazettiñ materialdarı boyınşa Donal'd Tramptıñ mülkine tergeu jürgizip jatqanın rastadı.

«Wall Street Journal» jurnalisteri de Tramp turalı tergeu üşin Pulitcer sıylığın aldı. Däl osı gazet Tramppen (olardıñ işinde stormi Deniels) baylanıs jasağan äyeldermen tildesip, olardıñ keybireulerine prezidenttiñ aqşa bergenin jazdı.

Qoğamdıq jwmıs üşin bedeldi jüldeni Florida qalasındağı Mardjeri Stounmen Duglas atındağı mekteptegi qarulı şabuıl saldarın jariyalağanı üşin «South Florida Sun Sentinel» aldı. Basılım tilşileri biliktiñ oqıs jağdaylarğa dayın emestigi, mektep äkimşiligi men policiya qızmetkerleriniñ qateligi turalı materialdar seriyasın şığardı.

Pulitcer sıylığın ielengen üzdikter qatarında Associated Press, «Reuters» sındı alpauıt agnettikter de bar. «Halıqaralıq reportaj» nominaciyasın Yemendegi soğıs saldarı turalı jazğan Associated Press jurnalisteri men M'yanmadağı mwsılman rohindjalar turalı jazıp, keyin bilik türmege kesken Reuters agenttiginiñ eki tilşisi aldı.Ädebiet salasındağı sıylıq Riçard Pauers pen Djeki Sibblis Dreri berildi. Al «Reuters» fototilşileri AQŞ şekarasındağı migranttar beynelengen suretteri üşin jülde iemdendi.

Pulitcer sıylığınıñ tarihı sonau 1917 jıldan bastaladı: sol jılı amerikandıq jurnalist Gerbert Bayyard Svop 1916 jıldıñ  qazan ayında «New York World» gazetinde  jariyalanğan  «Germaniya  imperiyasına işten közqaras» degen taqırıptağı materialdar seriyası üşin alğaşqı sıylıq  alğan edi. Qazirgi uaqıtta 21 atalımda jurnalistika salasındağı jetistikteri üşin, sonday-aq ädebiet, dramaturgiya, tarih jäne muzıka salasındağı jetistikteri üşin beriledi.

"The Qazaq Times"