Foto: https://pressa.tv

Halıqaralıq ğarış küni Ilon Masktiñ Space X kompaniyası Falcon Heavy auır zımıranın ğarışqa wşırdı.

SpaceX kompaniyası ökilderi: «Falcon Heavy birneşe körsetkiş boyınşa älemdegi eñ quattı zımıran atandı. Atalğan zımıran orbitağa özimen 64 tonna jük (18 "Boeing 717" wşağı kötere alatın salmaqqa teñ) kötere aladı. Os'ke tüsetin osınşa salmaq pen qısımdı eskerse, Falcon Heavy bolaşaqta adamdardı Marsqa apara aladı deuge boladı»,– deydi. Kanaveral müyisinen wşırılğan zımıran üşin bwl – twñğış kommerciyalıq joba. Ol Saud Arabiyasınıñ Arabsat 6A jer-serigin orbitağa şığaruı tiis.

Bıltır däl osı ğarış kemesine Ilon Masktıñ sporttıq köligi tielip, oğan skafandr kigen quırşaq adam otırğızılğan. Sol uaqıtta Ilon Mask: «Bwl ğarış tarihındağı eñ mıqtı zımırannıñ sätti köterilui bola ma, älde aspandağı közdiñ jauın alar otşaşuğa kuä bolamız ba, äzirge belgisiz. Biraq älemniñ tüpkir-tüpkirinen osı jayttı köru üşin mıñdağan adam keldi», – degen bolatın.

Zımırannıñ orbitadağı qozğalısınıñ videosın SpaceX-tiñ resmi saytınan köruge boladı.

"The Qazaq Times"