Almatı oblısınıñ Üşaral qalasındağı Alaköl memlekettik wlttıq tabiği parki äkimşiliginiñ aumağında, sorğı stanciyasınıñ jöndeu jwmıstarı kezinde jarılıs boldı.

Jarılıs saldarınan Alaköl audanınıñ auruhanasına ärtürli jaraqatpen parktiñ 8 qızmetkeri jetkizildi, onıñ bireui alğan jaraqatınan qaytıs boldı. QR TJK baspasöz qızmeti: «10 säuirde sağat 15:00 şamasında Almatı oblısı Üşaral qalasında Alaköl memlekettik wlttıq tabiği parki äkimşiliginiñ aumağında avtocisterna sorğışına jöndeu jwmıstarın jürgizu kezinde jarılıs boldı. Sonıñ saldarınan Alaköl audandıq auruhanasına türli jaraqat alğan 8 jwmısker jetkizildi. Olardıñ bireui alğan jaraqatı saldarınan köz jwmdı», – dep mälimdedi.

Qazirgi uaqıtta jarılıstıñ neden bolğanı anıqtalıp jatır.

"The Qazaq Times"