Фото: Google

Алматы облысының Үшарал қаласындағы Алакөл мемлекеттік ұлттық табиғи паркі әкімшілігінің аумағында, сорғы станциясының жөндеу жұмыстары кезінде жарылыс болды.

Жарылыс салдарынан Алакөл ауданының ауруханасына әртүрлі жарақатпен парктің 8 қызметкері жеткізілді, оның біреуі алған жарақатынан қайтыс болды. ҚР ТЖК баспасөз қызметі: «10 сәуірде сағат 15:00 шамасында Алматы облысы Үшарал қаласында Алакөл мемлекеттік ұлттық табиғи паркі әкімшілігінің аумағында автоцистерна сорғышына жөндеу жұмыстарын жүргізу кезінде жарылыс болды. Соның салдарынан Алакөл аудандық ауруханасына түрлі жарақат алған 8 жұмыскер жеткізілді. Олардың біреуі алған жарақаты салдарынан көз жұмды», – деп мәлімдеді.

Қазіргі уақытта жарылыстың неден болғаны анықталып жатыр.

"The Qazaq Times"