Foto: trt.net

Süriyanıñ Manbidj aymağında PKK-nıñ osındağı jalğası YPG-ge äskeri dayındıq jürgizilgen bazağa kirigen «New York Times» gazetiniñ tilşisi Maykl Gordon AQŞ-tıñ  äserlerin jazdı dep habarladı türik baspasözi.

Gordon YPG qalıptastırğan 50 mıñğa jetui josparlanğan Demokratiyalıq Siriya küşteriniñ Türkiyamen aradağı qatınastardı bwzğanın bildirdi. Tilşi 50 mıñ adamdıq küştiñ 27 mıñın YPG terroristteri qalıptastırğanın jazdı.

Habarğa qarağanda 20 kündik negizgi dayındıqtı ayaqtağan kisilerge 100 dollar aylıq beriledi. Olar qaza tapqan nemese jaralanğan jağdayda, osı aylıq otbasılarına beriledi. Irak pen Siriyadağı Amerika jasaqtarın basqarıp otırğan general Stefan Tousend Rakkanı DAIŞ-ten keri alu üşin wyımdastırılatın operaciyağa qatısu maqsatımen dayındalğandar üşin «auır qaruları kerek. Qolındağılar jeñil» dedi.

AQŞ lauazım ieleri tankqa qarsı qarular, minometter, auır avtomattar men sauıttı kölikter şart ekenin bildirdi. Alayda gazettiñ jazğanına qarağanda YPG-likterge auır qaru beru Türkiyanıñ narazılığın tuğızuı mümkin. General Tousendtiñ aytqanına qarağanda terroristter özderiniñ Türkiyağa qauip qalıptastırmaytının jöninde AQŞ-qa kepildik bergen!

AQŞ generalı «Men bwğan senemin» dedi. CENTCOM qolbasşısı general Votel bolsa «Türkiyanıñ uayımdarın azaytu üşin Rakka operaciyası barısında YPG-ge qajetti qarulardı berip, soğıstan keyin osı qarulardı jetkizudi şekteuge boladı. aşıq bolamız. Oq-därini ölşeymiz» dedi. Osı arada Siriyanıñ Haseke qalası mañında AQŞ-tıñ terror wyımı YPG-ge jibergen sauıttı kölikteriniñ körinisteri jariyalandı. Reuters aqparat agenttiginiñ suretterinde AQŞ tarapınan terror wyımınıñ bastı böligine berilgen sauıttı kölikteri körinip twr.

«The Qazaq Times»