فوتو: trt.net

ءسۇريانىڭ مانبيدج ايماعىندا PKK-نىڭ وسىنداعى جالعاسى YPG-گە اسكەري دايىندىق جۇرگىزىلگەن بازاعا كىرىگەن «New York Times» گازەتىنىڭ ءتىلشىسى مايكل گوردون اقش-تىڭ  اسەرلەرىن جازدى دەپ حابارلادى تۇرىك ءباسپاسوزى.

گوردون YPG قالىپتاستىرعان 50 مىڭعا جەتۋى جوسپارلانعان دەموكراتيالىق سيريا كۇشتەرىنىڭ تۇركيامەن اراداعى قاتىناستاردى بۇزعانىن ءبىلدىردى. ءتىلشى 50 مىڭ ادامدىق كۇشتىڭ 27 مىڭىن YPG تەرروريستتەرى قالىپتاستىرعانىن جازدى.

حابارعا قاراعاندا 20 كۇندىك نەگىزگى دايىندىقتى اياقتاعان كىسىلەرگە 100 دوللار ايلىق بەرىلەدى. ولار قازا تاپقان نەمەسە جارالانعان جاعدايدا، وسى ايلىق وتباسىلارىنا بەرىلەدى. يراك پەن سيرياداعى امەريكا جاساقتارىن باسقارىپ وتىرعان گەنەرال ستەفان توۋسەند راككانى دايش-تەن كەرى الۋ ءۇشىن ۇيىمداستىرىلاتىن وپەراتسياعا قاتىسۋ ماقساتىمەن دايىندالعاندار ءۇشىن «اۋىر قارۋلارى كەرەك. قولىنداعىلار جەڭىل» دەدى.

اقش لاۋازىم يەلەرى تانكقا قارسى قارۋلار، مينومەتتەر، اۋىر اۆتوماتتار مەن ساۋىتتى كولىكتەر شارت ەكەنىن ءبىلدىردى. الايدا گازەتتىڭ جازعانىنا قاراعاندا YPG-لىكتەرگە اۋىر قارۋ بەرۋ تۇركيانىڭ نارازىلىعىن تۋعىزۋى مۇمكىن. گەنەرال توۋسەندتىڭ ايتقانىنا قاراعاندا تەرروريستتەر وزدەرىنىڭ تۇركياعا قاۋىپ قالىپتاستىرمايتىنىن جونىندە اقش-قا كەپىلدىك بەرگەن!

اقش گەنەرالى «مەن بۇعان سەنەمىن» دەدى. CENTCOM قولباسشىسى گەنەرال ۆوتەل بولسا «تۇركيانىڭ ۋايىمدارىن ازايتۋ ءۇشىن راككا وپەراتسياسى بارىسىندا YPG-گە قاجەتتى قارۋلاردى بەرىپ، سوعىستان كەيىن وسى قارۋلاردى جەتكىزۋدى شەكتەۋگە بولادى. اشىق بولامىز. وق-ءدارىنى ولشەيمىز» دەدى. وسى ارادا سيريانىڭ حاسەكە قالاسى ماڭىندا اقش-تىڭ تەررور ۇيىمى YPG-گە جىبەرگەن ساۋىتتى كولىكتەرىنىڭ كورىنىستەرى جاريالاندى. Reuters اقپارات اگەنتتىگىنىڭ سۋرەتتەرىندە اقش تاراپىنان تەررور ۇيىمىنىڭ باستى بولىگىنە بەرىلگەن ساۋىتتى كولىكتەرى كورىنىپ تۇر.

«The Qazaq Times»