«21 säuir. Şeşuşi tañdau». Foto: https://unian.net

Osı aptada Ukraina köşelerinde Vladimir Putin men Petr Poroşenkonıñ sureti bar saylaualdı plakattar men kitapşalar payda boldı. Plakattarda «21 säuir. Şeşuşi tañdau» dep jazılğan. Atalğan jarnamalıq plakattan keyin Ukraina jwrtınıñ pikiri ekige jarılıp, saylaualdı sarsañğa tüsti.

Äleumettik jelilerde mwnday qadam saylaualdı jağdaydı bäseñdetu jäne memlekettegi keleñsizdikter dep bağalanğan. Prezident ştabı bwl mäseleni «sırtqı sın-qaterler jağdayında tötep bere alatın mıqtı prezident qajet» degen ügit-nasihat qajet dep tüsindirdi.

Poroşenko ştabı men jaqtastarı «ne Poroşenko, ne Putin!» wranın onıñ kandidaturasın wsınğannan bastap paydalanğan. Sebebi, Petr Poroşenko Ukraina prezidenti lauazımın atqarğan jıldarı sayasi-diplomatiyalıq jağdayda Reseyden alşaqtap, NATO men EO-ğa müşe boluğa küş salğan.

Keşe ICTV telearnasınıñ efirinde Petr Poroşenko: «Putin öz sözinde Ukraina prezidenttigine kez kelgen kandidat qabıldaymız. Tek Petr Poroşenkodan basqa degen bolatın. atalğan lozunñtiñ avtorı men emespin. Ol söz Putinniñ pikirinen alınğan. Sonday-aq, men Vladimir Zelenskiydi Putinniñ agenti dep ayıptamaymın. Bwl däl emes. Eger bireu osılay tüsinse-men keşirim swraymın», – dep mälimdedi.

Key sarapşılardıñ pikirinşe, Poroşenko ekinşi turda jeñiske jetedi. Sebebi, ol azamattardıñ ömir süru deñgeyin arttıru jäne sıbaylas jemqorlıqqa qarsı küres jolında aytarlıqtay jaqsı nätijege qol jetkizgen. Ukrainanı Reseyden alşaqtatıp, batısqa bet bwru jolında birneşe zañdar qabıldadı. Olardıñ qatarında EO men NATO-ğa müşe bolu, Reseymen aradağı «dostıq» kelisimin bwzu jäne Germaniyamen ekonomikalıq baylanıs ornatu bar. Batıs elderi üşin Poroşenko Ukraina patriotı jäne halıqtı Resey agressiyasınan qorğauşı retinde belgili. Osınday artıqşılıqtardı eskergen Poroşenkonıñ komandası akter Zelenskiydiñ sayasatta täjiribesi bolmağandıqtan, prezident boluğa dayın emes dep esepteydi.

«Greenberg Quinlan Rosner» saualnama jürgizu ortalığı ekinşi turğa Zelenskiy men Poroşenko ötken jağdayda, ärqaysısı 40% -dan dauıs jinaydı degen boljam jasağan. Mälimetter boyınşa, saylauşılardıñ jartısı prezidenttik kresloda jaña adamnıñ otırğanın, al qalğan jartısı täjiribesi bar sayasatkerdiñ prezident bolğanın qwptaydı.

Ayta keteyik, Ukrainada prezident saylauınıñ birinşi turı naurız ayınıñ 31-i küni ötken. Onda saylau qorıtındısı boyınşa, Vladimir Zelenskiy 30,22%, Petr Poroşenko 15,93% dauıs jinap, ekinşi turğa ötken. Saylaudıñ ekinşi kezeñi säuirdiñ 21-i ötedi.

"The Qazaq Times"