Erdoğan Mäskeude S-400 turalı şeşimin özgertpeytinin qaytaladı

Türkiya prezidenti Rejep Tayıp Erdoğan kezekti Mäskeu saparında reseylik zımıran qorğanıs jüyesin satıp alu şeşimin özgertpeytinin tağı bir ret qaytaladı. Bwl turalı ol Mäseude Resey prezidenti Putinmen birge ötkizgen baspasöz jiınında ayttı.

Baspasöz jiınında jurnalisterdiñ S-400 zımıran qorğanıs jüyesine baylanıstı swrağına jauap bergen prezident Erdoğan: «Bizdiñ egemendigimiz şartsız bizdiñ halqımızğa täueldi. Sondıqtan özge eldiñ ol turalı söz aytuına jol bere almaymız. S-400 turalı josparımızdı jasadıq, onı jüzege asırdıq, endi odan bas tartudı talap etetinder bizdi tanımaytındar. Biz bwl taqırıpta kelisimge qol qoydıq, demek kelisim özgermeydi», –dedi.

Onıñ aytuınşa Reseydiñ S-400 zımıran qorğanıs jüyesin satıp alu Türkiya üşin asa mañızdı, ol jäne öñirdiñ qauipsizdigi men twraqtılığına da qatıstı şeşim.

Türkiya öziniñ äue qorğanısın NATO odaqtastarı qorğay almaydı dep sanaydı. Al, AQŞ tarabı Reseydiñ qorğanıs jüyesi NATO paydalanatın qorğanıs-äskeri tehnikalarğa üylespeytinin alğa tartıp, öziniñ qorğanıs jüyesin satıp aludı wsınıs etedi.

 “The Qazaq Times”