Foto: https://metagazeta.ru

AQŞ prezidenti Donal'd Tramp jäne Resey basşısı Vladimir Putinniñ qanşalıqtı jalğan söyleytini belgili boldı. 

Halıqaralıq faktilerdi tekseru küni qarsañında «The Washington Post» AQŞ prezidenti mälimdemeleleri men kündelikti äñgimeleriniñ qanşalıqtı ras-ötirigine qatıstı zertteu nätijelerin jariyaladı. Nätijesinde, prezident qızmetine kirisken 801 kün işinde Donal'd Tramp 9451 jalğan mälimet aytqan. «Soñğı 200 künde Donal'd Tramp künine 22 ötirik aytqan. Bwl prezidenttik qızmetke kirisken alğaşqı jılğa qarağanda 5,9 ese köp», – delingen aqparatta.

Basılımda jazılğanday, «Donal'd Tramptıñ ötirik aytatını eşqanday da jañalıq emes» jäne soñğı altı ayda Amerika basşısınıñ kümändi mälimdemeleri arta tüsken. Olardıñ qatarında Meksikadağı «migranttar kerueni» men Koreya sammiti jaylı mağwlmat köp tarağan.

Mälimdemelerinde kümändi aqparat kezdesetin prezidentter qatarında Resey basşısı Vladimir Putin de bar. The Insider saytınıñ mälimetinşe, 2016 jılı ötken baspasöz konferenciyasında bir jarım sağat işinde Putin on ret jalğan söylegen. Onıñ sözinde halıq jağdayınıñ jaqsaruı, Uaşington men Mäskeu baylanısında Reseydiñ ozıq boluı, aymaqtardağı qarızdıñ azayuı, otandıq önimderge swranıstıñ artuı, NATO al'yansımen kelissöz jäne tağı da basqa jalğan mälimet bar. Osı konferenciyadan keyin Resey tilşileri Putinniñ mälimdemesin kezekti «rojdestvolıq ertegi», al jergilikti halıq «mifqa tolı äñgime» dep qabıldaytın bolğan.

"The Qazaq Times"