ترامپ پەن ءپۋتيننىڭ جالعان مالىمدەمەسى

اقش پرەزيدەنتى دونالد ترامپ جانە رەسەي باسشىسى ۆلاديمير ءپۋتيننىڭ قانشالىقتى جالعان سويلەيتىنى بەلگىلى بولدى. 

حالىقارالىق فاكتىلەردى تەكسەرۋ كۇنى قارساڭىندا «تھە Washington Post» اقش پرەزيدەنتى مالىمدەمەلەلەرى مەن كۇندەلىكتى اڭگىمەلەرىنىڭ قانشالىقتى راس-وتىرىگىنە قاتىستى زەرتتەۋ ناتيجەلەرىن جاريالادى. ناتيجەسىندە، پرەزيدەنت قىزمەتىنە كىرىسكەن 801 كۇن ىشىندە دونالد ترامپ 9451 جالعان مالىمەت ايتقان. «سوڭعى 200 كۇندە دونالد ترامپ كۇنىنە 22 وتىرىك ايتقان. بۇل پرەزيدەنتتىك قىزمەتكە كىرىسكەن العاشقى جىلعا قاراعاندا 5,9 ەسە كوپ»، – دەلىنگەن اقپاراتتا.

باسىلىمدا جازىلعانداي، «دونالد ترامپتىڭ وتىرىك ايتاتىنى ەشقانداي دا جاڭالىق ەمەس» جانە سوڭعى التى ايدا امەريكا باسشىسىنىڭ كۇماندى مالىمدەمەلەرى ارتا تۇسكەن. ولاردىڭ قاتارىندا مەكسيكاداعى «ميگرانتتار كەرۋەنى» مەن كورەيا ءسامميتى جايلى ماعۇلمات كوپ تاراعان.

مالىمدەمەلەرىندە كۇماندى اقپارات كەزدەسەتىن پرەزيدەنتتەر قاتارىندا رەسەي باسشىسى ۆلاديمير پۋتين دە بار. The Insider سايتىنىڭ مالىمەتىنشە، 2016 جىلى وتكەن ءباسپاسوز كونفەرەنتسياسىندا ءبىر جارىم ساعات ىشىندە پۋتين ون رەت جالعان سويلەگەن. ونىڭ سوزىندە حالىق جاعدايىنىڭ جاقسارۋى، ۋاشينگتون مەن ماسكەۋ بايلانىسىندا رەسەيدىڭ وزىق بولۋى، ايماقتارداعى قارىزدىڭ ازايۋى، وتاندىق ونىمدەرگە سۇرانىستىڭ ارتۋى، ناتو اليانسىمەن كەلىسسوز جانە تاعى دا باسقا جالعان مالىمەت بار. وسى كونفەرەنتسيادان كەيىن رەسەي تىلشىلەرى ءپۋتيننىڭ مالىمدەمەسىن كەزەكتى «روجدەستۆولىق ەرتەگى»، ال جەرگىلىكتى حالىق «ميفقا تولى اڭگىمە» دەپ قابىلدايتىن بولعان.

"The Qazaq Times"