Arman Jetpisbaev. Foto: vlast.kz

«Samwrıq-Qazına» jıljımaytın mülik qorı AQ-nıñ basqarma törağası bolıp Jetpisbay Arman Şäripbaywlı tağayındaldı dep habarlaydı  «Kazinform», «SAMWRIQ-QAZINA» WLTTIQ ÄL-AUQAT QORI» AQ-nıñ  baspasöz bölimine silteme jasay otırıp.

«SAMWRIQ-QAZINA» WLTTIQ ÄL-AUQAT QORI» AQ direktorlar keñesiniñ şeşimi boyınşa 2017 jıldıñ aqpan ayınan bastap «Samrwq-Qazına» jıljımaytın mülik qorı AQ-nıñ jaña basqarma törağası bolıp Jetpisbay Arman Şäripbaywlı tağayındaldı. Osı jıldıñ 25 qañtarında qordıñ bwrınğı törağası Mamıtaliev Bauırjan merziminen bwrın qızmetinen ketken bolatın.

Jetpisbay Arman Şäripbaywlı  1971 jılı düniege kelgen. Qazaq himiya-tehnologiyalıq institutın – injener-qwrılısşı, Qazaq ekonomika institutın – ekonomist mamandıqtarı boyınşa tämämdap,  Mäskeudegi Halıqaralıq qarjı mektebinde (Mäskeu q-sı.),  Halıqaralıq biznes akademiyasında (Almatı q-sı.), Inteconference LTD with participation of molans and anier municipalitiens (Jeneva q-sı,  Şveycariya),  Leadership Foundation fo Higher Education (London q-sı, Wlıbritaniya) jäne Nazarbaev Universitetinde bilim alğan.

Memlekettik organdarda, qarjı instituttarında, wlttıq, halıqaralıq kompaniyalarda qızmet etip, ekonomika, qarjı salları boyınşa ülken täjiribe jinaqtağan.  Osı uaqıtqa deyin «Alautransgaz»  JŞS-niñ qızmetkeri, OQO äkiminiñ orınbasarı, Şımkent qalasınıñ äkimi, «Kazkommercbank» AQ-nıñ Qızılordadağı filialınıñ direktorı, «Kazkommercbank Qırğızstan» basqaruşı törağasınıñ birinşi orınbasarı, «Oñtüstik»  arnayı ekonomikalıq aymağınıñ basşısı sekildi qızmetterdi atqardı.  Al «Samrwq-Qazına» jıljımaytın mülik qorı AQ-nıñ basqarma törağası bolıp saylanardan bwrın «Kazatomprom» AQ-nıñ atqaruşı direktorı qızmetinde bolğan.

«Samrwq-Qazına» jıljımaytın mülik qorı AQ men  «SAMWRIQ-QAZINA» WLTTIQ ÄL-AUQAT QORI» AQ-nıñ akciyaların ielenbeydi.

“The Qazaq Times”