Foto: http://img.tyt.by

Resey Venesuelağa äskerin jiberdi. Bwl turalı Reuters habarladı.

24 naurızda Karakasqa jüz reseylik äskeri jäne 35 tonna jügi bar Il-62, An-124 wşaqtarı qonğan. Venesuela basılımdarı «qos taraptıñ ekijaqtı keñes jürgizetindigin» jazdı. Al Resey tarapı bwğan qatıstı tüsinikteme bergen joq.

Reseylik wşaqtar Karakasqa birneşe märte kelgen bolatın. «Universal'» Venesuela basılımınıñ habarlauınşa, Reseyden jetken NATO Blackjack dep atalatın Tu-160 wşaqtarı yadrolıq qarumen de, jay qarumen de jabdıqtaladı. Süriyadağı Resey aviaciyasınıñ reydinde osı sındı birneşe bombalauşı wşaq H-101 qanattı zımırandarın atqan.

Osığan deyin, yağni 11 jeltoqsanda Reseyge Venesuela prezidenti Nikolas Maduro men Qorğanıs ministrliginiñ basşısı Lopes barğan bolatın. Resey Qorğanıs ministri Sergey Şoygu sol kezde Resey äskeri aviaciyasınıñ Venesuela aerodromdarına wşu praktikası jalğasatının, al Resey VMF kemeleri osı eldiñ porttarına kiretinin mälimdegen. Sol uaqıttan beri reseylik wşaqtar Venesuela äskeri qızmetşilerimen birlesken oqu-jattığularğa qatısıp keledi.

Ayta keteyik, NATO men EO qwramındağı memleketter jäne AQŞ Nikolas Maduronı memlekettiñ zañdı basşısı dep sanamaydı. Europarlament jäne özge de memleketter özin prezident mindetin atqaruşı dep jariyalağan Venesuela oppoziciyalıq Parlamentiniñ köşbasşısı (Wlttıq assambleya) Huan Guaydonı eldiñ ligitimdi basşısı retinde tanıdı. Al Resey jäne Qıtay «diktator basşı» atanğan Maudroğa qoldau bildirdi.