Photo: Facebook.com

Qırğızdar da astanalarınıñ atın özgertuge wsınıs jasadı. Biraq bizdegidey emes... Qırğızstan prezidenti apparatınıñ bwrınğı jetekşisi Emilbek Qaptagaev Bişkek qalasınıñ atın Manas dep özgertu turalı wsınıs ayttı. Onıñ pikirinşe, Bişkek dep qaladağı audannıñ atın qaldırsa jetkilikti. 

"Bälenbay jıl ötkennen keyin qanday da bir däme payda bolmas üşin bälkim, bizge qalanı äzirden-aq Manas dep özgertken dwrıs şığar? Bwl barlıq jağınan ädil bolar edi... Qaladağı Sverdlov audanın Bişkek dep atağan dwrıs şığar, sebebi Pişpek basqarması (nege ekeni belgisiz, qazir "Wsta qamalı" dep aytılıp jür - E.K.) däl sol jerde ornalasqan ğoy jäne Bişkek halqı da sonda şoğırlansa kerek... Al Bişkek batırdıñ tarihta bolğanı daulı küyinde qalıp otır, sebebi ol turalı añızdan basqa birde-bir tarihi qwjat joq" dep jazğan ol Facebook-tağı paraqşasında.

Onıñ bwl wsınısın äleumettik jelide keybir azamattar qoldap, keybiri qarsı bolğan.

Qaptağaevtıñ bwl wsınısı Qazaqstan astanasınıñ atauı özgergen şaqta aytılıp otır. Qazaqstan prezidenti Qasım-Jomart Toqaev 23 naurız, senbi küni Astana qalasın Nwr-Swltan dep atau turalı jarlıqqa qol qoyğan.

“The Qazaq Times”